Аймак

Нурмолдо Наркул уулунун 180 жылдыгына карата “НУРМОЛДО XIX КЫЛЫМДЫН ТУҢГУЧ АГАРТУУЧУСУ ЖАНА ДААНЫШМАН ПАТИРИОТУ ” – деген темада өткөрүүчү иш- чаранын сценарийи

 6,096 Бардыгы /

Алып баруучу: Таңып байлап коёр эмес убакыт,

Же токтотуп коё албайсың суранып,

Мына ушундай касиеттүү күндөрдө,

                          Жүз көрүшүп  турганыбыз зор бакыт.

                          Эчен элдер суктанышат калкыма,                 

                         Элибизге , жерибизге салтыма.

                          Кел замандаш шүгүрчүлүк кылалы,

                          Мына ушундай ойчул , инсан барына

Саламатсыздарбы! Бүгүнкү салтанаттын катышуучулары! Жалпыңыздар мектебибиз сыймык менен ысымын алып жүргөн манасчы , төкмө , даанышман, агартуучу Нурмолдо Наркул уулунун 180 жылдык маарекесине арналган эстелик ачуу аземине кош келиңиздер !

Мезгил өтүп баары жылат,                                                                

Такыр чөлдө соккон шамал сымак .                                                   

180 жыл айтууга оңой,                                                                        

А бирок чейрек кылым канча убак.

Жакшыны убагында барктай албай,                                            

Кетирбей арабызда сактай албай,                                                       

Убакыт өтсө дагы арабыздан,                                                       

Эскерип отурабыз унуткарбай.

Эл сөзү бар элүү жылда эл жаңы,                                                       

Жүз жыл өтсө , эл  гана эмес  жер жаңы.

Өлбөс , өчпөс көп кырдуу талант ээси. 

Нурмолдонун 180 жылдыгы менен даңктана

 

Анда эмесе бүгүнкү эстелик ачуу аземин ачык деп жарыялоого уруксат этиңиздер. (Гимн ырдалат)

Таштан чегип тулку боюн көздөрүн,                                                   

Табиятын улуулардын көптөрдүн,                                                                      

Талант – Эмгек жоктон барды жаратып,                                                              

Тартып калат тарых үчүн көптөрүн.

Анда эмесе касиеттүү Кош-Терек жергесинин атагын далайга тааныткан опсун олуя , агартуучу, айтор көп кырдуу талант ээси Нурмолдо Наркул уулунун эстелигин ачуу аземине назарыңыздарды  бурсак .                                                        

Алып баруучу: Актасам деп ата-эне эмгегин , Ойлоп келет Ата Журттун эртеңин.Колдон келген жардамын түк аябайт. Кам көрүп жаш муундун келечегин. Талыкпай иштеп келет айыл өкмөт башчыбыз. Сизге берели анда кептин кезегин.Т.Балтагулов айылдык аймагынын айыл өкмөтүнүн башчысы

Садыков Болотбек Жорбековичке берилет.

Алып баруучу:

Милдет кылбай мекен жүгүн көтөрүп,             

Кызмат кылып эмгек сүйгөн элине.                                           

 Акимибиз үзүрлүү иштеп келет.                                             

Ийгиликтер жаралса деп Ала-Бука жергесинде

Анда эмесе сөз кезегин Ала-Бука райондук мамлекеттик админтрациясынын башчысы аким Абдыкадыров Эмилбек Ызакуловичке сөз берилет.

Алып баруучу:

Жерим деп, жери менен болуп бирге,                                                              

Элим деп , эли менен дайым бирге.                                                      

Депутаттык мандатка да ээ болуп,                                                                 

Салымы чоң так жүрөт,өз ишине.

Кийинки сөздү  айылдык кеңештин төрагасы Акназаров Сыргабек Мамановичке берилет

Алып баруучу:

Жаш болсо да чоң жамаатты башкарган.

Мугалимдик кесибинде такшалган.

Социалдык тармакты да жетектеп,

Эл журттун ишенимин актаган

Чынара Абдыкапаровна бир топ ишти аткарып, 

Эмгеги менен элибизге даңкталган.

Анда азыркы сөздү  райондук билим берүү бөлүмүнүн башчысы Чынара Абдыкапаровнага берилет.

Алып баруучу:

Кызмат кылсам элге деген,                                                               

Директорубуздун ой тилеги.                                                                            

Алдыңкы орунга чыкса дейт.                                                                              

Нурмолдо негизги мектеби                                                                                

Көп күттүрбөй  эмесе,                                                                                                    

Сөз кезегин берели.

Анда эмесе сөз кезегин Нурмолдо атындагы №28 жалпы негизги билим берүүчү мектебинин директору Ботобекова Эдиса Адилбековнага берилет.

Алып баруучу:

Журтубузду ынтымакка үндөгөн.                                                                       

Айыл куту , төрдүн ээси карылар.                                                                          

Көчүн улап улуу эл кыргыздын ,                                                                           

 Аман болуп көп жашагыла баарыңар

Анда эмесе аксакалдарыбыз Жолдошов Жапар агага, Акматов Жанадил агайларга сөз кезегин берсек.

Алып баруучу:

Байыркыдан мурас болуп бизге калган,                                                                  

Бак конгон Кош-Терек жергеси.                                                                             

Эл ичинде унутулбай жашап келет.                                                              

Бабабыз Наркул уулу Нурмолдонун элеси. Нурмолдо Наркул уулунун өмүрү чыгармачылыгы боюнча мектептин тарых мугалими Сапаралиева Динара доклад окуп берет.

            Кымбаттуу бүгүнкү эстелик ачуу аземинин катышуучулары ! Сиздерди салтанаттын  экинчи бөлүгү болгон “Нурмолдо XIX кылымдын туңгуч агартуучусу жана улуу педагогу ” деген темадагы адабий кечени көрүүгө чакырабыз.

Биз жашаган бул күнгө да кеч кирет,                                                              

Ай айланып жылдын нугу эскирет.                                                                           

Адам пенде элге кылган эмгегин,                                                              

Унутулбай улуулукка жеткирет.

Анда эмесе  сахналык көрүнүшкө көңүлүңүздөрдү бурсак.

Сабатын ачкан көптөрдүн,                                                         

Карматып калем оң колго ,                                                            

Илимге даңгыр жол салган.                                                       

Опсун олуя Нурмолдо .

Балдар Нурмолдонун ырларынан нускоолорунан көркөм айтып беришет.

Нурмолдонун өлөңдөрүнөн үзүндү айтып беришет.

Анда эмесе “Нурмолдо XIX кылымдын туңгуч агартуучусу жана улуу педагогу ” деген темадагы иш чарабыз соңуна чыкты.  Көңүл бурганыңыздарга чоң рахмат !

 

Даярдаган: башталгыч класс мугалими Карабаева Гулнара

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17