2,608 Бардыгы /

Кимдир бирөөлөр “бактылуу болосуз, жыргал жашоонун баары бул жакта, жүрүңүз карап көрүңүз”,- деген сыяктуу кулакка жагымдуу дагы башка кооз сөздөрдү айтып, сизге астейдил айланып-үйрүлө баштаганда, ошол адамдардын өздөрүнө суроону катуу коюп, жооп алганга аракет көрбөңүз, аларга алданып калышыңыз турган нерсе.
Бул маселе Согушту жана Тынчтыкты чагылдыруу институту тарабынан 2015-жылдын 8-декабрында Бишкек шаарындагы Дамас мейманканасынын имаратында “Борбордук Азиядагы диний кырдаал боюнча коомдук пикирдин калыптануусуна жалпыга маалымдоо каражаттарынын (ЖМК) таасири” темасында журналисттер үчүн өткөрүлгөн мастер-класста козголду.
Казакстандын Дин изилдөө борборлор ассоцияциясынын директору Юлия Денисенко “Террордук уюмдарга канткенде азгырылбай калса болот”- деген дарсын ролдук оюн иретинде көрсөтүп, анын маани-маңызын катышуучулар менен чогуу талкуулап, айтор азгыруучу айла-амалдардын ого эле көптүгүн, айрыкча мындай иштер интернет каражаттары аркылуу түнкү убакта көп жүргүзүлөрүн өзү дагы изилдеп көргөндүгүн, ошондуктан маалыматтын чын-өгүнүн билүү өтө олуттуу экенин айтып берди. Адамдын психикалык өзгөчөлүгү анын ишенчээктигинде экендигин баса белгилеп, эгерде мындай айтылган сөздөргө адам ишене берсе, ал өзү эле эмес, жакындарын, башкаларды дагы ээрчитип жөнөөгө кандай кириптер болгонун билбей калышы толук ыктымал, ошондуктан мындай кырдаалда суроо бергенден тажабоого чакырды ал.
Андан аркы дарсты Кыргызстандагы тынчтыкты ктүрүу жана медиатехнологиялар мектебинин директору Инга Сикорская “Исламофобиядан кантип кутулууга болот жана ЖМКда душман образын жаратуу жарабайт? Жергилктүү орун алган учурлар жана эл аралык практика” темасында улантты.
Инга айым дарсын катышуучуларга “Исламофобияга кабылдыңыз беле?”,- деген суроо менен баштаганда эле катышуучулар арасында бир аз талаш тартыштар менен жооптор берилип, аларды сабырдуу болууга чакырып, иш андан ары уланды.
Исламофобия – Исламга каршы терс реакция, бул ксенофобиянын бир түрү же бөлүгү катарында карала тургандыгы, бул айрыкча 2001-жылдын 11-сентябрында АКШдагы окуядан, жакынкы учурларда Европада орун алган учурлардан сон курч мунозго ээ болуп бара жатканы тууралуу тушунук берип, бул тууралуу атайын жургузулгон иликтоонун жыйынтыктарын тааныштыруу, чыныгы Исламдын исламофобиядан айырмасы асман менен жердин аралыгындай алыс экенин туюндурган видеороликти көрсөтүү менен Инга журналисттердин мына ушул исламофобияга жол берүүдөн этият, стереотиптерди, жаргондорду жазууда өтө кылдат болуусун, материалды жазуу алдында текшерип, элге туура маалымат берүү зарылдыгына токтолду.
Бул иш-чара андан ары Россиядан, Тажикстандан келген дарс окуучулардын иш-тажрыйбаларын угуп, суроо-жооптор менен коштолуп, тиешелүү сунуштарды кабыл алуу менен соңуна чыкты.

Зирек Асанова