2,020 Бардыгы /

Жалал-Абад ОИИБнын жетекчилиги областтын ардагерлерин жана тургундарын облустун жетекчилерин, укук коргоо жана күч органдарынын башчыларын, казияттын имамдарын, милициянын ардактуу эс алып жатышкан ардагерлерлерин, орозо тутушкан милиция кызматкерлерин, ардагер спортчулар менен спортчу жаштарды, массалык-маалымат каражаттарынын өкүлдөрү, ЭККУнун «Коомдук коопсуздук демилгеси» долбоорунун кызматкерлерин жана коомчулуктан чакырылып, баардыгы 500дой адамга ифтарлык тамак тартылып, ооз ачырылды.

-Имараттын короосуна бозүй тигилип, намаз окуган жарандарыбыз шам намазын окушуп, андан кийин облусубуздун жетекчилери, аксакалдарыбыз, милициянын жана спорттун ардагерлери, облусубуздун казысы жакшы каалоо-тилектерди айтышып, акыркы мезгилдерде Жалал-Абад ОИИБгы эл менен тыкыз байланышта болуп, спортто же башка ушуга окшогон саамалыктарды үзгүлтүксүз өткөрүп, облустук милициянын кызматкерлери көп деген ак эмгегин элге арнап жатканын белгилешип, мурунку жылдарга караганда элди коргогон милицияга көбүрөөк ишеним артылып, тыкыз байланышта болгонун ар бири баса белгилегени кубанаарлык нерсе болду.
Кыргыз элине таанымал төкмө акыныбыз Рахматулла Козукеев агайыбыз ырларын төгүп, облусубуздун артистери кыргыздын байыртан бери келаткан салты боюнча жарамазан айтышып, жалпы жамаат белектерин тартуулашып, кыргыз эли илгертеден ырымдап келаткан салтка ылайык, Жалал-Абад ОИИБнын жетекчилиги ифтарлык ооз ачууга катышкан жалпы жамаатка ак калпактарды кийгизишип, энелерибизге, эже-карындаштарыбызга ак жоолуктарды салышты,-деди ОИИБдин пресс катчысы Жусуп Камбаралиев

Ж.Камбаралиев облустун милиция кызматкерлери акыркы мезгилдерде Кудайдын ыйык Орозо айында жарандарга эшиктерин ачып, ифтарлык тартуулап, ар бирине жакшылык каалап, ырыскысын тең бөлүшүп жатканы, бүгүнкү күндө ошол жасалган көп деген ак эмгектердин акыбети кайтып, жакында эле биздин коомчулуктун дин адамдары, спортчулары Жалал-Абад шаарынын борбордук «Аль-Бухари» мечетинде милиция кызматкерлерине жана ардагерлерине ифтарлык тамак тартышып, ооз ачыргандары, бүгүнкү милиция өткөргөн ифтарлык ооз ачууда жалпы жамаат милиция жөнүндө жакшы ойлорун айтышканы баарыбызды кубандырып, милициянын абройу көтөрүлгөнүн айгенелеп турат,-деп кошумчалады.
Облустун казысы, имамдары жана ардагер аксакалдар өз сөздөрүндө, бүгүнкү күндөгү облусубуздун аймагындагы стабилдуулук үчүн эл менен биргеликте жасап жаткан милициянын алгылыктуу иштерин белгилешип терен ыраазычылык билдиришип, ифтарлык ооз ачууга катышкан жаштарга, жалпы чогулган жамаатка мындан кийин дагы милиция менен дайыма бирге болуп, элдин бейпилдигин камсыз кылып жаткан түйшүктүү кызматтарына көмөк көрсөтүп, дайыма ортоктош болуп жалпы колдоорун айтышып, өлкөбүздө дайыма тынчтык, ынтымак-ырашкерлик болсун-дешип, өлкө башчыбызга жана жалпы элибизге Жараткандан тилешип, ак баталарын беришкен.

img=left]http://www.aymak.kg/uploads/posts/2014-07/1406488820_1-004.jpg[/img]

Самат Токтоев –AYMAK.KG