1,529 Бардыгы /

Бүгүн Жалал-Абадда токой кыйроого учурап, башкаруунун баш аламандыгынан улам Курчап турган чөйрөнү коргоо жана токой агенттигинин жетекчиси токойчулардын көйгөйүн, талаптарын чечкендин ордуна биринин кызматын бирине алып берип, бирин бирине жаздырып, токойчулардын арасында тирешүүлөрдү кайра күчөтүп жатышканын айтып токойчулар митингге төртүнчү жолу борбордук аянтка митингге чыгышты. Алар токой тармагындагы кадрдык дайындоолорго, коррупциялык иш аракеттерге нааразылыгын билдиришүүдө.
Джалал-Абад токой башкармалыгы жоюлуп, билимдүү адистери иштен бошотулуп ордун кокусунан эле пайда болгон адис эмес адамдардын келип жатканын айтып С.Атаджанов президенттин саясатына каршы жүргүзүп жатканын айтышып Президент А.Атамбаевге, Жогорку Кеңештин спикери А.Жээнбековго , премьер–министр Ж.Сатыбалдиевге бир нече жолу арыздар менен кайрылып, талаптарын коюп, бирок жооп ала албай жатканына нааразылыгын айтышты. – Сабыржан Атаджанов токойдогу проблемаларды чечкен жок кайра көбөйтүп элдин бийликке болгон ишенимин жоготуп жатат, – дейт Кара-Дарыя питомнигинин мурдагы башчысы Жаныш Курбанов. Митингге чыккандардын астына КР Өкмөтүнүн Жалал-Абад област Эмил Абдыкадыров келип чыгып сүйлөп коюлган талаптар жөндүү экенин айтып бирок силер койгон талаптарды чечүү Өкүлчүлүктүн эмес КР Өкмөтү чечээрин айтып, бардык кайрылуулар тиешелүү жерлерге жөнөтүлүп жатканын маалымдады.
Митингге чыгып сүйлөгөндөр биз азыр тармактын көйгөйлөрү менен гана чыгып жатабыз, Эгер бийлик далысын салып туруп алса, башка чараларды көрүүгө да даярбыз деп билдиришип, аягында кайрылуу кабыл алышты

Самат Токтоев, “Аймак”