Аймак

Күч органдары аскердик жөө жүрүш өткөрдү(фото)

 5,023 Бардыгы /

Күч органдары аскердик  жөө жүрүш өткөрдү(фото)

Жалал-Абад облустук ички иштер башкармалыгы тарабынан демилге көтөрүлүп Эгемендүүлүктүн 23 жылдык мааракесине, Кыргыз милициясынын 90 жылдык майрамына карата “Мекеним менин- Кыргызстан” долбоорунун алкагында күч органдарынын, милиция ардагерлеринин, элдик кошуундардын жана мектеп окуучуларынын катышуусунда 25 км.ге созулган аскердик жөө жүрүш жана спорттук оюндар өткөрүлдү.
Жөө жүрүш таңкы саат 5:00дөн тарта башталган. Белгиленген жерге жеткенге чейин жөө жүрүштүн катышуучулары Сузак районунун борборун, Жийде жана Достук айылдарын аралап басып өтүштү. Андан соң кечке чейин ок атуу, аркан тартыш, воллейбол жана ушул сыяктуу бир топ спорттук мелдештер өттү. Түштөнүү убагында катышуучулар аскердик талаа ашкансынан тамактанышып эс алышты.
Аталган иш-чаранын негизги максаты жаштарды жана жалпы журтту мекенчилдикке жана патриоттуулукка чакырып, жаш өспүрүмдөргө үлгү болуу. Кылмыштуулуктун алдын алуу жана укук тартибин бекем сактоо экендигин Жалал-Абад ОИИБдин коомдук коопсуздук бөлүмүнүн башчысы Ибрагим Шатманалиев билдирди.
Ал эми патриоттуулукту көздөгөн иш-чарада болгон кыйынчылыктар жана ийгиликтер тууралуу Жалал-Абад шаардык ИИБнын башчысынын орун басары, милициянын майору Нурдин Жээнтаевдин айтымында“Бул иш-чарага аталган бөлүмдөн жалпы 40 кызматкер, 30 жаш өспүрүм, 10 ветеран катышкан. Бул аябай татаал маршрут болду. Күн ысык, таштак жолдо кыйынчылыктар болбой койбоду. Бирок канткен күндө да биз белгиленген жерге жетип келип, даярдалган конкурстарга жакшы катыштык. Башынан аягына чейин толук кандуу, ыкчам катышканыбыз биздин ийгилигибиз”,- дейтН.Жээнтаев.
Соңунда катышуучуларга дипломдор жана баалуу белектер тапшырылды.
Белгилей кетсек, бул аскердик жөө жүрүшкө Майлуу-Суу шаарчасынан тартып Жалал-Абад шаарына чейинки райондордун ИИБнүн кызматкерлери, ардагерлери жана жаш өспүрүмдөрү келип, жалпы 1000ге чукул мекен коргоочулар катышышты.

Күч органдары аскердик  жөө жүрүш өткөрдү(фото)
Күч органдары аскердик  жөө жүрүш өткөрдү(фото)
Күч органдары аскердик  жөө жүрүш өткөрдү(фото)
Күч органдары аскердик  жөө жүрүш өткөрдү(фото)
Күч органдары аскердик  жөө жүрүш өткөрдү(фото)
Күч органдары аскердик  жөө жүрүш өткөрдү(фото)
Күч органдары аскердик  жөө жүрүш өткөрдү(фото)
Күч органдары аскердик  жөө жүрүш өткөрдү(фото)
Күч органдары аскердик  жөө жүрүш өткөрдү(фото)
Күч органдары аскердик  жөө жүрүш өткөрдү(фото)
Күч органдары аскердик  жөө жүрүш өткөрдү(фото)
Күч органдары аскердик  жөө жүрүш өткөрдү(фото)
Күч органдары аскердик  жөө жүрүш өткөрдү(фото)

Санрабия САТЫБАЛДИЕВА, “Аймак”

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17