Аймак

БАТКЕН ОБЛУСУ САЛАМАТТЫКТЫ САКТОО ТАРМАГЫ БОЮНЧА ЖЫЛ ЖЫЙЫНТЫГЫН ЧЫГАРДЫ

БАТКЕН ОБЛУСУ САЛАМАТТЫКТЫ САКТОО ТАРМАГЫ БОЮНЧА ЖЫЛ ЖЫЙЫНТЫГЫН ЧЫГАРДЫ

 2,819 Бардыгы /

 БАТКЕН. Саламаттыкты сактоо тармагындагы өткөн жыл аралыгында аткарылган иш-аракеттерди жыйынтыктаган облустук жыйын Кыргыз Өкмөтүнүн Баткен облусундагы ыйгарым укуктуу өкүлүнүн орун басары Чынара Саттарованын жетекчилиги астында өткөрүлдү. Анда “Ден-соолук” программасын  турмушка ащырууда аткарылып жаткан иштер, жетишкендиктер, ошондой эле кемчиликтер жагы айтылып, алдыдагы милдеттер дагы аныкталды.

Баткен облусунун бирдиктүү төлөм тутумунда иштеген жети саламаттык сактоо мекемесине электрондук медицина программасын орнотуу аракеттери ийгиликтүү ишке ашып жатат. Кыргыз Өкмөтүнүн Баткен облусундагы ыйгарым укуктуу өкүлүнүн орун басары Чынара Саттарова быйылкы жыл дагы Кыргыз Президенти тарабынан “Аймактарды өнүктүрүү жана санариптештирүү” жылы деп жарыялоо жөнүндөгү Жарлыгын ишке ашыруу үчүн бара-бара бардык медициналык кызмат көрсөтүүлөрдү электрондук ыкмага өткөрүүнэн үстүндө катуу иш жүрүп жаткандыгын белгиледи.

Маселен, Баткен облусунда  айылдарды ФАП менен камсыздоо боюнча маселе  дээрлик чечилген. Бир гана  Лейлек районунун  Тогуз-Булак айыл өкмөтүндөгү Айкөл айылынын ФАП маселесин жакынкы аралыкта чечилүүнү үстүндө. Ал эми өткөн жылдарга салышырмалуу энелердин жана балдардын өлүмү Баткенде дээрлик азайды. Баткенге узаган жылдын ичинде 33 жогорку билимдүү даш медициналык адистер келишип, жумушка орношту. Ошондой болсо дагы,  10 миң адамга эсептегенде дарыгерлер менен камсыз болуу көрсөткүчү араң 17,2 пайызды гана түзөт. Демек, бул көрсөткүч республикалык деңгээлден 25,5 пайызга аздык  кылат.

Чынара Саттарова өз сөзүндө Баткен облусунда жугуштуу илдеттердин алдын алуу, милдеттүү медициналык камсыздандыруу боюнча калк арасында түшүндүрүү иштерин күчөтүү, облустун санитардын эпидемиологиялык абалын сактоо, ооруканалардын материалдык-техникалык базаларын чыңдоо жаатында тийиштүү жетекчилерге кечиктирилгис тапшырмаларды берди.

Облустук жыйындын сонунда бир катар алдыңкы ак халатчандарга сыйлыктар дагы тапшырылды.

 

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17