2,302 Бардыгы /

КВАНДЖУ. Кореянын Кванджу шаарында Кыргызстандын бул өдкөдөгү Элчиси Динара Кемелова “Манас” эпосуна арналган атайын Эл аралык көргөзмөгө катышты.

            Бул көргөзмөКорея Республикасынын маданият, спорт жана туризм Министирлиги, Кыргыз Республикасынын маданият, маалымат жана туризм Министирлиги менен Кыргыз Республикасынын Улуттук китепканасы, ошондой эле Кыргызстандын Корея Республикасындагы Элчилигинин колдоосу аркасында уюштурулду.

Көргөзмөдө кум менен сүрөт тартуу, эпостун тарыхындагы сүрөттөр жана Кыргыз элинин маданий каада-салттары, кол өнөрчүлүк жөнүндө эпикалык окуялар жана көркөм тасмалар менен чагылдырылган сүрөттөрү санариптештирилип “Манас” китептери корей тилинде гана көргөзүлдү. Мындан тышкары мини-боз үйлөрдү чогултуу, кагазга эпостогу сүрөттөрдү тарттуу боюнча дагы өзүнчө мастер-класстар уюштурулду. Көргөзмөгө катышып жатып Кыргыз Элчиси ДинараКемелова Азия маданият борборунун Президенти Ли Жин-сиг мырза менен дагы жолугушуп, кийинки пландаштырылып жаткан маданий жана гуманитардык тармагында кызматташуу менен бирге Кыргыз Республикасындагы туризмди Кореяда жайылтуу боюнча суроолорду кең-кесири талкуулашты. Маселен, Кыргыз Республикасынын маданият күндөрүн жана Кыргыз киносунун күндөрүн өткөрүү туурасында макулдашып, муну менен бирге Кванджу шаарында алдыда өтө турган жармаңке жана көргөзмөлөргө Кыргызстандын дагы катышаары жөнүндө өз ара   макулдашышты.  Анткени, Азия маданият Борборунун алкагында Кыргыз Республикасынын жарандары кол өнөр чыгармачылыгы боюнча мастер-класс үйрөнүшүп, тажрыйба дагы арттырышса болот.

Ушундан соң Кванджу шаарынын Вице-мэри Ли Биоң-нун мырза менен дагы жолугушуу жүрдү. Анда аймактар аралык кызматташуу боюнча маселелер орой-чарай талкууланды. Мисалы, Элчи Динара Кемелова тарабынан Ош шаары менен бир туугандык мамиле түзүү демилгеси сунуш этилди. Муну менен катар Кыргыз Республикасында өндүрүлүп чыгарылган өндүрүмдөрдү Кореяга экспорт кылуу жагы дагы абдан катуу талкууланды.

Кыргыз Элчси Динара Кемелова булардан тышкары дагы Кыргыз диаспорасынын өкүлдөрү менен жолугушуп, Кореяда өтө турган жармаңке жана бул иш-чаранын алкагында ар түрдүү мааракелерди дагы биргеликте өткөрүү жөнүндөгү маселелерди дагы талкуулашты. Ошону менен бирге “Шериктешкен Көз каранды эмес Мамлекеттерден чыккан этникалык корейлердин эмгек ресурстарын өнүктүрүү” компаясынын Директору Чоң Доң Су мырза менен жолугушуп, аны менен Кыргыз Республикасынын жарандарын жумушка орноштуруу маселелерин абдан катуу талкуулашты.

      Алишер ТОКСОНБАЕВ, өз кабарчы