Аймак

НУР-СУЛТАНДА ЖУРНАЛИСТ СВЕТЛАНА ГЛУШКОВАНЫН ИШИ БОЮНЧА СОТ 2-АПРЕЛГЕ ЖЫЛДЫ

НУР-СУЛТАНДА ЖУРНАЛИСТ СВЕТЛАНА ГЛУШКОВАНЫН ИШИ БОЮНЧА СОТ 2-АПРЕЛГЕ ЖЫЛДЫ

 1,032 Бардыгы /

Нур-Султан шаарында «Настоящее Время» телеканалынын кабарчысы Светлана Глушкованын иши боюнча административдик жараян 2-апрелге жылды. Укук коргоочулар бул ишти журналисттин ишине тоскоолдук кылууга багытталган бийликтин аракети катары баалап жатышат.

1-апрелдеги сот отурумунда судья жабырлануучу тараптын талабына ылайык журналисттер залдан чыгышы керектигин билдирген. Буга байланыштуу Глушкова судьяны алмаштыруу боюнча өтүнүч келтирген.

22-мартта Глушкова Нур-Султандагы «Шапагат» базарында кармоолорду чагылдырып жатканда, журналистти полиция кызматкерлери алып кеткен. Полиция бөлүмүндө аны беш саат кармашкан. Кийин протокол толтурбасан бошотушкан. 31-мартта Глушкова Алматыдан учуп келе жатканда кайра кармалган. Андан соң сотко чакыруу кагазын алган.

28-мартта «Чек арасыз кабарчылар» эл аралык уюму Казакстандын бийлигин журналисттерге карата басымды токтотууга чакырган. Кайрылууда «жергиликтүү бийлик журналисттердин өз милдетин аткарууга тоскоол болуп жаткан куугунтукту токтотушу керек» деп жазылган.

22-мартта Казакстандын Астана, Алматы, Шымкент шаарларында Нооруз майрамында акцияга чыккан бир нече кишини полиция кармап кеткен. Алар башкалааны Нур-Султан деп өзгөртүүгө жана бийликтин саясатына нааразылык билдирип чыгышкан.

www.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17