Аймак

ӨЗБЕКСТАНДА КОРЕЙ МАДАНИЯТ ҮЙҮН САЛГАН КОМПАНИЯ БИЙЛИКТИ АЛДАМЧЫЛЫККА АЙЫПТООДО

ӨЗБЕКСТАНДА КОРЕЙ МАДАНИЯТ ҮЙҮН САЛГАН КОМПАНИЯ БИЙЛИКТИ АЛДАМЧЫЛЫККА АЙЫПТООДО

 958 Бардыгы /

Өзбекстан президенти Шавкат Мирзиёев жана  Түштүк Кореянын президенти Мун Чжэ Ин Ташкентте Корей маданият үйүнүн ачылыш аземине катышты.

Ташкенттеги Корей маданият үйүн куруу үчүн Түштүк Корея өкмөтү 5 миллион АКШ долларын бөлгөн, түштүк кореялык SDAG E&C компаниясы курулуш иштерин өз мойнуна алган. Бул долбоордун наркынын 20% ээ болгон компания долбоорду ишке ашыруу үчүн Өзбекстанда катталган «Sehwa Construction» жоопкерчилиги чектелген коомун тандаган.

Жоопкерчилиги чектелген коом ондогон жергиликтүү курулуш компаниялары менен иш алып барган. Өзбекстан өкмөтү Корей маданият үйүн куруу үчүн Ташкенттен жер бөлүп берген жана түштүк кореялык курулуш компаниясына бир катар жеңилдиктерди убада кылган. Өзбекстан өкмөтүнүн 2016-жылдагы токтомуна ылайык, «Sehwa Construction» компаниясы түстүү металлдарды жана цементти биржадагы баасынан эки эсе арзан алуу укугуна жана салык жеңилдиктерине ээ болгон.

2016-жылы 20-майда ал кезде Өзбекстан премьер-министри болгон Шавкат Мирзиёев менен Түштүк Кореянын өкмөт башчысы Хван Гё Ан курулуштун пайдубалын түптөө аземине катышкан. Курулуш компанияларына алгачкы төлөмдөр берилген. «Sehwa Construction» компаниясынын башкы директору Cho Jongyoung билдиргендей, 2017-жылдын аягында абал кескин өзгөргөн.

– Курулуш 2017-жылы июлда башталган. Ошол эле жылы ноябрда өкмөттүн токтомун аткаруу токтотулган. Мындан кийин биз сатып алып жаткан негизги курулуш товарлары эки-үч эсеге кымбаттап кеткен. Түштүк Корея өкмөтү кошумча акча төлөп берүүдөн баш тарткан. Мен мындай кырдалда иштей албайм деп, өзбек өкмөтүнө кайрылдым. Бирок өзбек бийлиги “курулушту улантасың же түрмөгө камаласың” деп коркутту. Алар оозекти түрдө чыгымдарды жаап берүүнү убада кылышты. Мен аларга ишенип, курулушту уланттым, – деди «Sehwa Construction» компаниясынын башкы директору.

Компания жетекчиси 10 миллиард сум (1 миллион 200 миң доллар) насыя алууга аргасыз болгонун, бирок чыгымдар төлөнбөй, зыянган учураганын билдирди.

Курулуш жумуштарын жүргүзгөн ондогон жергиликтүү компаниялар жана «Sehwa Construction» жоопкерчилиги чектелген коомуна бийликтин кысымы менен насыя берген «Узсаноаткурилишбанк» карыздарды өндүрүп алуу үчүн жыл башында Ташкенттеги район аралык сотко кайрылышкан.

«Sehwa Construction» жоопкерчилиги чектелген коому болсо ушул эле сотко өзүн банкрот катары жарыялоо өтүнүчү менен арыз жазган.

www.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17