2,068 Бардыгы /

2018-жылдын 21-сентябрь күнүТаш-Кѳмүр шаарынын тургуну 1983-ж.т. Т.И. менен интернет булактары аркылуу ѳзүн «Расулов Русланмын» деп тааныштырып, анны менен жолугушуп, Бишкек шаарында «Мамкаттоо» ишканасында иштеймин деп алдап, анын ишеничине кирген. Кийинчерек Бишкек шаарынын белгисиз жериндеги участокторду уюлдук телефондон кѳрсѳтүп, анны менен оозеки келишим түзүп, жок жерди жалпы баасы 300000 (үч жүз миң) сомго баалашкан. 21.09.2018-жылы Кыргызстан банкы аркылуу 1500 (бир миң беш жүз) АКШ долларын (103215 сом), арадан үчкүн ѳтүп 105000 (бир жүз беш миң) сом акчасын, тѳрт күн ѳтүп 80000 (сексен миң) рубль акчасын белгисиз таксилер аркылуу алдырып алган. Натыйжада жалпы 288215 (эки жүз сексен сегиз миң эки  жүз он беш) сом акчаны ѳз  кызыкчылыгына иштетип жиберип, изин жашырып качып кеткен.

Бул факты Таш-Кѳмүр ШИИБнин КЖБРне «Алдамчылык» болуп катталып, сотко чейинки ѳндүрүш иши ачылган. Криминалдык милиция кызматы тарабынан жүргүзүлгѳн иш-аракеттеринин натыйжасында,2019-жылдын 20-май күнү Бишкек шаарынан шектүү катары Ѳзгѳн районунун тургуну 39 жаштагы Исаков Шермурат кармалып, Таш-Кѳмүр ШИИБнин тергѳѳ кызматына ѳткѳрүлүп берилип, андан соң убактылуу кармоочу жайына киргизилген.

Тергѳѳнүн жүрүшүңдѳ, аталган шектүү абак жазасын ѳтѳп жатып, белгисиз жагдайлар менен  кыска мѳѳнѳткѳ эргүүгѳ чыгып, кайра кайтып келбестен, издѳѳдѳ жүргѳндүгү аныкталган. Ал 2015-жылы 28-июлда Жалал-Абад шаардык соту тарабынан КРКЖКнин 166-бер. 3-бѳл. 167-бер. 3-бѳл. менен күнѳѳлүү деп табылып, 5 жылга эркиндигинен ажыратылып, жазасын кату тартиптеги түзѳтүү абагында ѳтѳп жаткан. Соттолуучу 2016-жылы 20-августта кыска мѳѳнѳткѳ эргүүгѳ чыгып кайтып келбегендигине байланыштуу 08.09.2016-ж. тартып издѳѳгѳ алынган.

Алынган маалыматтар боюнча Исаков Шермурат аял кишилер менен социалдык тармактар аркылуу таанышып, ѳзүн мамлекеттик кызматкер катары кѳрсѳтүп, ишеничке кирип, жертилкелерин алып берем деп акчаларын алдап алып,кылмыштуу максатына жеткен соң уюлдук номерлерин жана социалдык тармактардагы баракчаларын ѳчүрүп,жашынып жүргѳн.

Жогоруда кѳрсѳтүлгѳн атуулдан башкадагы жабыркагандар болсо тѳмѳндѳгү телефондоргокайрылсаңыздар болот.

Тел.: (03745) 5-02-57, 0772 23-20-89

Жалал-Абад ОИИБнин басма сѳз кызматы