Аймак

ТҮРКМӨНСТАН ӨЗ АРА СООДА КЫЛУУДА МАНАТ ЖАНА СОМ МЕНЕН ЭСЕПТЕШҮҮНҮ СУНУШТАДЫ

ТҮРКМӨНСТАН ӨЗ АРА СООДА КЫЛУУДА МАНАТ ЖАНА СОМ МЕНЕН ЭСЕПТЕШҮҮНҮ СУНУШТАДЫ

 940 Бардыгы /

Түркмөнстандын Өнөр жайчылар жана ишкерлер бирлигинин төрагасы Александр Дадаев Кыргызстанга өз ара соода кылууда доллар менен эсептешүүдөн баш тартууну сунуштады. Бул тууралуу ал Бишкекте өткөн өкмөттөр аралык кыргыз-түркмөн кызматташтык комиссиясынын жыйынында билдирди.

Түркмөнстан базар мамилесине өтүп жатканын белгилеген Дадаев тараптар түркмөн манаты жана кыргыз сому менен эсептешсе жакшы болорун айтты. «Эгер 2008-жылга чейин өлкөдө жеке бизнестин көлөмү бир пайыз болсо, бүгүнкү күндө бул көрсөткүч 64 пайызга жетти», — деди Дадаев.

Кыргызстандан айырмаланып, Түркмөнстанда улуттук валютанын курсу мамлекет тарабынан катуу көзөмөлдөнөт. Өлкөдө 2015-жылы белгиленген расмий валюта курсу ошол бойдон өзгөрбөй келет. Ага ылайык, 1 АКШ доллары 3,5 манатка барабар. Бирок көмүскө акча алмаштыруу базарында улуттук валютанын баасы расмий курстан дээрлик беш эсеге арзан — 1 АКШ доллары 18 манатка барабар.

www.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17