ӨЗБЕКСТАНДА МУФТИЯТТЫ СЫНДАГАН ЭКИ БЛОГЕР СОТТОЛДУ

ЖАРЫЯ-ЖАРНАК / РЕКЛАМА

ticket title: СЫНАК Орток токой чарбасы; Соода-сатык (02.04.2024-ж.); Объявляет тендер на оказание услуг; Аукцион АТАБЕКОВ АЙЫЛ ӨКМӨТҮ; СООДА-САТЫК (27.02.2024-ж.); Аукцион БЕШИК-ЖОН АЙЫЛ ӨКМӨТҮ; Сынак АРСТАНБАП АЙЫЛ ӨКМӨТҮ; СООДА-САТЫК; Аукцион ДОСТУК АЙЫЛ ӨКМӨТҮ; Соода-сатык; Конкурс ЖАМУ; КУЛАКТАНДЫРУУ Таш -Көмүр шаарынын мэриясынын алдындагы муниципалдык менчик департаменти; АУКЦИОН Могол айыл аймагы; АУКЦИОН Кеңеш айыл аймагы; АУКЦИОН Акман айыл өкмөтү; АУКЦИОН Могол айыл аймагы; Урматтуу окурмандар, Сиздер жарыя-жарнак бөлүмүнөн соода-сатык, сынак, аукцион, тендер тууралуу жарыяларды байма бай окуй аласыздар.; АУКЦИОН С.АТАБЕКОВ АЙЫЛ ӨКМӨТҮ; ЭСКЕРТҮҮ! Урматтуу Жалал-Абад шаарынын тургундары

ӨЗБЕКСТАНДА МУФТИЯТТЫ СЫНДАГАН ЭКИ БЛОГЕР СОТТОЛДУ

22.10.2019 / Автор anarkan_kg

840 Бардыгы /

18-октябрда Ташкент шаардык соту хиджаб маселесин козгогон блогерлер Рустамбек Каримов менен Тулкин Астановго карата өкүм чыгарды. Бул тууралуу Өзбекстандын Жогорку Соттунун маалымат кызматы кабарлады.

Өкүмгө ылайык, Рустамбек Каримов “коомдук коопсуздук жана коомдук тартипке коркунуч жараткан материалдарды сактоо жана жарыялоо” беренеси боюнча айыптуу деп табылып, жалпысынан 3 жыл 1 айга эркинен ажыратылды. Ал жазасын жатак абакта өтөйт.

Тулкин Астанов да ушул эле берене боюнча айыптуу деп табылып, шарттуу түрдө 5 жылга кесилди.

Быйыл 8-апрелде Рустамбек Каримов менен Тулкин Астанов “Фейсбуктагы” баракчаларына түз эфирге чыгып, Өзбекстандын Мусулмандар дин башкармалыгына барышканын билдиришкен. Алар хиджабга тыюу салууга каршы чыгып жана адал-продукциялар боюнча өз позицияларын билдиришкен. Ошол эле күнү ички иштер органдарынын кызматкерлери аларды кармап кеткени кабарланган.

Рустамбек Каримов менен Тулкин Астанов социалдык түйүндөр аркылуу муфтиятты сындап, белгилүү өзбек дин ишмерлеринин карикатураларын жарыялап турушкан. Блогерлер Өзбекстан Мусулмандар дин башкармалыгы мусулмандардын укугун тиешелүү деңгээлде коргобойт деп эсептешет.

WWW.