1,012 Бардыгы /

СЕУЛ. Кыргызстандын Кореядагы Элчилиги Сеул шаарында өткөрүлгөн Корея Республикасында аккредиттелген чет мамлекеттердин дипломатиялык корпусунун «Public Diplomacy Week 2019» фестивалында Кыргызстанды катуу даңазалады.

Бул Фестивалда меймандар Кыргыз Республикасынын кооз жаратылышы, маданияты жана Кыргыз элинин каада-салты менен тааныштырылды. Ошондой эле тоолуу өлкө жөнүндө көптөгөн кызыктуу фактыларды билишти. Кыргыз Элчилигинин кызматкерлери тарабынан конокторго Кыргызстандан чыккан кургатылган жер-жемиштер жана чай сунушталды. Дипломатиялык Фестивалдын алкагында Кыргыз Республикасынын Корея Республикасындагы Элчилигинин консулу А. Канатбекова Кыргызстандын маданияты,туризми жана жалпы элдик дипломатиянын ыкмалары жөнүндө өзүнчө баяндама жасады.

Мындан тышкары Кыргыз ЭлчилилигиКорея Республикасынын Кванджу шаарында  өткөрүлгөн “Азия маданиятынын жумалыгы” фестивалына жана “Азия Маданият Борбору – Азия өлкөлөрүнүн Элчиликтери” конференциясына дагы катышты. Бул иш-чаралар КореяРеспубликасынын Маданият, спорт жана туризм министрлиги менен Азия Маданият Борбору биргеликте уюштурулган. Иш-чаранын жүрүшүндө Кыргыз Элчилиги тарабынан атайын павильон уюштурулган, ал жакта мамлекеттик улуттук кийизден жасалган буюмдар, кургатылган жемиштер, бал жана ата мекендик өндүрүүчүлөрдүн продукциясы көрсөтүлдү. Ошондойэле Кыргызстандагы этникалык корей балдардын атайын чыгармалары көрсөтүлдү.

«Public Diplomacy Week 2019» фестивалынын жана “Азия Маданият Борбору – Азия өлкөлөрүнүн Элчиликтери” конференциясынын  жүрүшүндө КореямененАзия чөлкөмүнүн мамлекеттеринин ортосундагы маданиятты өнүктүрүү  жаатында өз ара пикирлер алмашылды. Азия Маданият Борборунун президенти Ли Жин Сик мырза эки мамлекеттин маданият тармагындагы кызматташуусунун оңөнүгүүсүн баса белгиледи. Маселен, аталган борбор тарабынан уюштурулган «Манас» эпосуна арналган көргөзмө айтылды. Ушул тапта Борбор тарабынан  кыргыз жомоктору корея тилине  которулду.

Алишер ТОКСОНБАЕВ, өз кабарчы