4,161 Бардыгы /

Кыргызстандын жаратылышы экинчи  Швецария деп бекеринен  айтылбаса керек. Кыргызстандын бермети Ысык-Көл , мифтердеги сыяктуу Сары-челек ,Америке президенти  Рузвелтти  тан калдырган Арстанбап  жаңгакзарлары  укмуш жаратылышын,ыйык жерлерин,тарыхый эстеликтерин эсептеп аягына чыга албайсын.Эсептеп аягына чыга албайсын  дегенимди  себеби,биз  көрбөгөн ,укпаган  жер астындагы тарыхы бар. X-XI-кылымдарда Карахандар  доорунда мамлекетте архитектура ,жол куруу өнүккөн.Мисалы:Чүйдөгү Бурана,Өзгөндөгү эстелектер,Сафед-Буландагы Шох-Фазл  күмбөзү жана башкаларды айтууга болот.Ошол мезгилдерде архитектура менен жол куруу да аябай өнүккөнүнө күбө болдук.

Ала-Бука районуна  караштуу Сафед-Булан  айылынын  түштүк чыгыш тарабында Падек айылы жайгашкан.

Тарыхчы Шах Хаким Халистин «Сафед-Булан » тарыхый чыгармаларында   бул айыл Бодак деп аталган. Биз 1990-жылы ошол  учурда «Калинин» деп аталган азыркы  Т.Жоробаев  деп аталып жаткан  мектеп окуучулары менен тарых  ийримде  археологик  изилдөөлөрдү  өткөргөнүбүздө  жер сатында  2 мерт  тереңдикте  бышкан  кыштан жаткызылган   кенендиги болжолдуу 1,5-2 метр келе турган жолду таап алдык.Кыштартын өлчөмү 60×70см.Бул  бышкан кыштар жаткызылган жол аябай  сапаттуу жана тегиз бастырылган.

Жолдун бир жагы Сафед-Булан   айылы тарапка, бир жагы  Өзбекистандын Касан-Сай шаары тарапка кеткен. Бирок бул жерде азыркы учурда адамдардын  турак  жайлары болгондуктан  изилдөөлөрдү  улантууга мүмкүнчүлүк   болбой токтотконбуз.

Жолго жакын жерден орто кылымдарга таандык  көзө,жезден жасалган акчалар табылган.

Жер астында  биз билбеген   үйрөнбөгөн тарых жашырынып жатат.Биз жер астындагы  тарыхты үйрөнө  албасак дагы эч болбосо угуп койсок,келечек муундарга жашап турган  жеринин  тарыхын  үйрөөнүгө  болгон  кызыгуусуна  пайдасы тиет деген ойдомун.

  №46 Багы-Шамал негизги  мектеби  директору:           А.Абдурахмонов.