1,824 Бардыгы /

Аксы районунун Кашка-Суу айыл өкмөтү муниципалдык бош кызмат орунуна ачык СЫНАК ЖАРЫЯЛАЙТ

Айыл өкмөтүнүн жер, турак жай жана коммуналдык чарба маселелери боюнча башкы адис 1 (бир) бош орун.

Квалификациялык талаптар:

Кесиптик билим деңгээли:

-жогорку билим –геодезия жана жерге жайгаштыруу, архитектура жана курулуш адистиктери боюнча, мамлекеттик жана муниципалдык башкаруу,  юриспруденция, финансылык экономикалык, техникалык, айыл чарба.

Стажы жана иш тажрыйбасы:

-жалпысынан 1 жылдан кем эмес мамлекеттик жана же муниципалдык кызмат стажы же тиешелүү кесиптик чөйрөдөгү 3 жылдан кем эмес иш стажы.

Кесиптик компетенттүүлүгү: –төмөндөгүлөрдү билүү:

Кыргыз Республикасынын жалпы мыйзамдарын:

-Кыргыз Республикасынын Конституциясы; Кыргыз Республикасынын “Мамлекеттик жарандык кызмат жана муниципалдык кызмат жөнүндө”, “Коррупцияга каршы аракеттенүү жөнүндө”, “Жарандардын кайрылууларын кароо тартиби жөнүндө” мыйзамдары;

-Мамлекеттик жарандык кызмат жана муниципалдык кызмат боюнча кеңештин 2016-жылдын 19-августундагы №43 токтому менен бекитилген КРдин Мамлекеттик жана муниципалдык кызматчыларынын этикасынын кодекси.

Тиешелүү тармактагы мыйзамдарын:

-КРдин Турак жай кодекси;

-КРдин “Мүлккө муниципалдык менчик жөнүндө”, “Жарандардын кайрылууларын кароо тартиби” жөнүндө мыйзамдары;

-КР Өкмөтүнүн “Жеке менчик турак үй куруу үчүн жер участокторун берүүнүн тартиби жөнүндө жобону бекитүү тууралуу” 2005-жылдын 06-майындагы №177 токтому;

-Кызматтык милдеттерин аткаруу үчүн зарыл болгон көлөмдө мамлекеттик

(КР Өкмөтүнүн 2017-жылдын 21-ноябрындагы №757 токтомуна ылайык) жана расмий тилдерди.

Билгичтиги:

-маалыматты жыйноо, талдоо, системалаштыруу жана жалпылоо;аналитикалык документтерди даярдоо; тиешелүү чөйрөдөгү ата-мекендик жана чет өлкөлүк тажрыйбаны талдоо жана практикада колдонуу;кесиптештер менен натыйжалуу кызматташуу; иштиктүү сүйлөшүүлөрдү жүргүзүү;эмгектин жаңы шарттарына көнүү.

Көндүмдөрү:

-ченемдик укуктук актылар менен иштөө жана аларды тажрыйбада колдонуу; ишти пландаштыруу жана жумуш убакытын туура бөлүштүрүү; башкаруучулук чечимдерди ыкчам жүзөгө ашыруу; компьютердик жана уюштуруу техниканы зарыл болгон программалык продуктыларды колдоно билүү.

Сынакка катышууга керектүү документтердин тизмеси:

-бош кызмат ордун көрсөтүү менен жеке арыз сынактык комиссиянын төрагасына (контактык телефон номери менен); кадрларды эсепке алуу боюнча баракча, сүрөтү менен; таржымал (резюме), сунуш каттары, өмүр баян (соттолгон же соттолбогондугу тууралу маалыматты көрсөтүү менен); билими жөнүндө, квалификациясын жогорулаткандыгы, илимий даража же илимий наам ыйгарылгандыгы жөнүндө дипломдун, эмгек китепчесинин, паспорттун, аскердик билетинин көчүрмөсү (эмгек китепчеси жана дипломдордун көчүрмөлөрү нотариустан же иштеген жериндеги кызматчыларды башкаруу кызматы тарабынан күбөлөндүрүлөт).

Документтерди кабыл алуучу жайдын орду Кашка-Суу айыл өкмөтүнүн имараты, экинчи кабат, жооптуу катчынын иш бөлмөсү. Байланыш телефондору: 0(778)-44-64-26.

Документтер сынак жарыяланган күндөн тартып 10 жумуш күндүн ичинде көрсөтүлгөн мөөнөттөн кечиктирилбестен кабыл алынат.