2,736 Бардыгы /

Кыргыз Республикасынын Билим берүү жана илим министрлигинин 26.05.2023-жылдын №02-2/4887 катынын негизинде 2023-жылдын 2-июнь күнү Бишкек шаарында жогорку окуу жайлардын бизнес-инкубаторлорунун стартап командаларынын арасында “Жаштар ишкерлигинин улуттук кубогу 2023”, “Студенттик стартап” пилоттук программасынын алкагында конкурс болуп өттү.  

ЖАМУнун маалымат кызматы билдиргендей, конкурстун 1-баскычында өлкөдөгү ЖОЖдордон 53 стартап идея тандалып алынган. Уюштуруучулар белгилегендей жаштар арасында жаратман жана инновациялык мүмкүнчүлүктөрдү ишке ашыруу үчүн жеңүүчү аталган мыкты 10 студенттик стартап идеяга 10 млн. сом бөлүнөт деп айтылган.      

Эскерте кетсек, конкурска катышуу үчүн окуу жайдын студенттери тарабынан “ETHNO WORLD” кол өнөрчүлүктү өнүктүрүү борбору, “STUDIO – CGI”, “Жайлоо – Life”, “Мал-Жан-Санак”, “ЧАЙ-PIE” кофейня аталышындагы жалпы 5 студенттик-стартап долбоорлордун өтүнмөлөрү жөнөтүлгөн. Ал эми 2-баскычта 16 команданын студенттик стартап-идеясы сынактын кийинки баскычына катышуу үчүн жолдомо алып, Б.Осмонов атындагы ЖАМУнун Жалал-Абад колледжинин БКМк-3-21 тайпасынын студенти  Кайнарбек кызы Кипариса, команданын жетекчиси ЖАКтын мугалими Тажибаева Динара Турабековналар “ETHNO WORLD” кол өнөрчүлүктү өнүктүрүү борборуаталышындагы долбоору менен сынактын жыйынтыгында Enactus Кыргызстан уюму тарабынан жеңүүчү катары 10 мыкты командага тандалып, алардын тизмеси Кыргыз Республикасынын Билим берүү жана илим министрлигине өткөрүп берилди. Иш-чаранын жыйынтыгында мыкты деп табылган долбоор ээлерине  сертификаттар билдирилди.

Б.Осмонов атындагы ЖАМУнун ректору техн.и.д., профессор К.Ж.Усенов ректордун алдындагы жумалык кеңешмеде Кайнарбек кызы Кипарисаны жана жетекчиси Тажибаева Динара Турабековнанын жараткан ийгиликтери менен куттуктап, ишкердик ишмердүүлүгүн жана инновациялык идеяларын уюштурууда жана аны өнүктүрүүдө окуу жай тарабынан мындан ары да колдоо көрсөтүлөөрүн белгилеп, андан аркы иштерине ийгиликтерди каалап өттү.

Административдик кеңештин мүчөлөрү тарабынан жараткан ийгиликтери үчүн ЖАКтын БКМк-3-21 тайпасынын студенти  Кайнарбек кызы Кипарисага 5000 сом, ЖАКтын мугалими Тажибаева Динара Турабековнага 5000 сом жана Бизнести колдоо жана өнүктүрүү борборунун директору Бегижан Номанжанович Алымкуловго 3000 сом өлчөмүндө окуу жайдын атайын каражатынын эсебинен сый акы төлөнүп берүү сунушталып, бир добуштан колдоого алынды.