669 Бардыгы /

Тема: «ата-эне мээрими, баланын сүйүүсү»

  Сабактын максаты:

-“Эне мээрими, баланын ата-энеге болгон мээрими ” деген тема боюнча түшүнүк алышат.

-энелер топтордо иштеп өздөрүнчө ойлорун айтышат.

-үй–бүлөдө балдарды тарбиялоодо эненин мээрими негизги ролду аткарышын түшүнүп жетет.

Сабактын жабдылышы: Интерактивүү доска, слайд, ватман, сүрөттөр.

Сабактын жүрүшү: Уюштуруу

Саламатсыздарбы урматтуу ата-энелер жана келген коноктор. Мына бүгүн сиздер менен новатор- педагог , №3 эксперименталдык арка гимназиясынын негиздөөчүсү биздин агайыбыз Гапыр Мадаминов тарабынан түзүлгөн “ата-энелер мектебинин” дагы бир сабагында ушул жерде баарыбыз жолугушуп олтурганыбызга мен аябай кубанычтамын.

Сиздерге эң биринчи ден соолук каалайм. Жараткан узун өмүр берсин. Балдарыңыздардын бактыга дайыма бар болуңуздар.

Үй тапшырма

Мурдакы сабакта берилген тапшырма боюнча ата-энелер жооп беришет. Эне жөнүндө ырларды айтып беришет.

Жаны тема: «Эне мээрими, баланын ата-энеге болгон сүйүүсү”.

Ата-эне болуу бул албетте чоң жоопкерчилик. Бардык ата-энелердин тилеги балдары эсен болуп жакшы билим-тарбия алып,карыганыбызда арка-жөлөк болсун,элге кызмат кылсын деп тилешет. Баланын жашоосундагы биринчи орду- эненин мээримдүүлүккө толгон кучагы болот. Эгер эне балага ушул мезгилдерде мээнет кылса, баланын бала болуусу ушул мезгилден башталат. Ошондуктан эненин тарбиясы өтө зарыл. Жакшы эне ал баланы чоңойтуп эле койбостон, анын жүрөгүн да жакшылык менен өстүрөт. Анын акылына ушундай түшүнүктөрдү салат, жаш кезинде эле ал баланын акылы терең болот. Жүрөк менен акылынын жөндөмдүүлүгүн ачуу да эненин милдети.

Бала мен үчүн ким?

Мен балам үчүн киммин? деген суроолордун үстүндө иштөө.

(Энелер өздөрүнүн ойлорун кагаз бетине түшүрүп жактап беришет)

Видео: “Апаке” (видео боюнча энелер өздөрүнүн ойлорун айтышат)

Бул видеону көрмененсөтүү эмнени айткым келет. Сиздер балдарыңыздарга ушундай өзгөчө бир мээрим төгүп караңыздар. Балдарыңыздар башка зарыл жумуштарынан да сиздерди биринчи орунга коюп, сиздерге кайтарып мээрим төксүн демекчимин.

Аялдарда эркектерден өзгөчөлөнгөн 3 сыпат бар.Алар:

Биринчи сыпат- мээрим. Аллах Таалам энеге бир артыкчылык берген экен. Ал мээрим деп аталат. Мээрим деп- эч бир пайда үмүт кылбаган сүйүунү айтат. Эне да өз баласына эч бир пайда үмүт кылбастан мээрим берет. Кичинекей баладан ал эмне үмүт кылмак эле. Ошого карабастан, ал анын 24 саат бою кызматчысы болуп калган. Ал баласына ушунчалык мээрим төгүп асырайт, аны сөз менен түшүндүрүү өтө эле кыйын.

Экинчи сыпат-баласы ката кетирсе да, кечирүүсү. Аллах Таала энеге дагы бир сыпат берген. Аны ката кылганга ырайым төгүү сыпаты дейт. Баласы ката кетирсе да, жазалабастан ага жакшылык каалайт. Аны кучактап көкүрөгүнө кысып, жан дүйнөсү эргип өпкүлөйт.

Үчүнчү сыпат-боюнда болуу жана ага чыдоо. Аллах Таала энеге сабыр жана чыдамкайлык сыпатын да берген. Эгер кайсы бир эркек бир саамга үйдөгү балдар менен калса, аларды уруша баштайт жана эркектер үчүнн бала карап олтуруу өтө кыйын. Эне гана күн бою балдарынын ар кандай кылык жоруктарына чыдап бирге болот.

Жыйынтыктоо: урматтуу энелер сиздер эң мээримдүү энесиздер. Бир жыл бою биздин энелер мектебине катышып келдиңиздер. Муну биз балдарыңыздардын келечегин биринчи орунга койгонуңуздар деп түшүнөбүз. Ошондуктан сиздерге “Мээримдүү эне” деген наамды бергим келет.

Баалоо: Мээримдүү эне, мээримдүү бала.

Үй тапшырма: эми сиздерге үйдө балдарыңыздарга бош убактыңыздарда көбүрөөк көңүл буруу.

Көңүл бурганыңыздар үчүн, келип катышып бергениңиздер үчүн чоң рахмат!