1,649 Бардыгы /

А мен болсом, кубануудан, толкундануудан жетине албай ыйлап жаттым.

II Дүйнөлүк көчмөндөр оюну жөнүндө ой-толгоо.
Көгүлтүр экрандан II Дүйнөлүк көчмөндөр оюнунун ачылыш салтанатын көрүп олтурам. Не деген керемет, не деген укмуш… Сөз менен айтып бере албайсын. Ошол жердин өзүндө көрүп, катышып олтурган кыргыздар кантишти экен? А мен болсом, кубануудан, толкундануудан жетине албай ыйлап жаттым.
Бир маалда трибунага карай салынган кызыл килем менен урматтуу Президент Алмазбек Шаршенович келе жатты. Кыргыз элинин ийгиликтерин, болгон кубанычын, өз элине болгон сүйүүсүн жаш баладай ичине батыра албай сүйүнүп жатканын көрүп, ан сайын өзүмү кармай албай эчкирип ыйладым, Алмазбек Шаршеновичтин бул кадамы – келечекке болгон ишеничтин, ак көңүлдүүлүктүн, чечкиндүүлүктүн, кең пейилдүүлүктүн кадамы эле.
Ошентип трибунага жетип, өзүн өтө жөнөкөй жана ийкемдүү кармап, элге жакшынакай сөздөрүн айтканда гана өзүмдү токтоттум.
Мен эмне үчүн ыйладым?.. Алмазбек Шаршеновичке жагынайын деп ыйлаган жокмун. Президент чын дилинен аракет кылса, өз элинин тарыхын, маданиятын түшүнө билип сыйласа, кыргыз элин бүт дүйнөгө жар салып, таанытып, кыргыз элин даңазаласа болот экен го!..
Ынтымакты туу тутуп, ызы-чууну жок кылып, тетири көз караштардын ордуна жакшы көз караштарды жаратса жарашат экен деп ыйладым. Менин ыйым эркиндиктин, кубанычтын, президентибиздин аракетинин жемишине кубангандыктын ыйы болду.
Ушундай ийгиликтерди жараткандыгыңыз үчүн, кыргыз элин бүт дүйнөгө тааныткандыгыңыз үчүн чексиз ыраазымын.
Оорубаңыз, бар болуңуз, чымырканып эмгек кылыңыз.Мен дайыма Сиз менен!

Билип-билбей, сен жөнүндө сөз айтса,
Кээлерине ишенип да калчумун.
Аша чапса, кай бирөөсү тыңсынып,
Аябастан сөгүп-сөздөп салчумун.

Иште, Алмазым! Ак бол, так бол, калыс бол!
Так айтайын! Келечекке салдың жол.
Пайгамбардын жашындамын, калп айтпайм,
Сен жараткан ийгиликтер абдан мол.
Кербен жүрөт, иттер үрөт, арсылдайт,
Чегинбегин! Алга карай сунгун кол!
Чечкиндүү бол, сабырдуу бол, бекем бол!

Базаркул АРТЫКОВ, Ноокен району, райондун ардактуу атуул ардагери, Билим берүүнүн мыктысы