30 Бардыгы /

        Ош шаардык жолдор башкармалыгы 695 чакырым автоунаа жолун жыл бою үзгүлтүксүз гана тейлеп келатат. Бирок, быйылкы кыш катаалдыгын көрсөтүп, улам кар жаагандыктан, жолчулардын дагы түйшүгү эпсиз көбөйдү. Кабарчыбызга курган маегинде бул жагдайды Ош шаардык жолдор башкармалыгынын жетекчиси Жеңишбек ШОНОЕВ деле танган жок.

• Жеңишбек мырза, Ош шаары Кыргызстандын Түштүк

башкалаасы сыңары эсептелет. Демек, Сиздер ушул тапта канча чакырым автоунаа жолун такай тейлеп атасыздар?

• Биздин ишканабыз жалпы жонунан 695 чакырым автоуна

жолун күнү-түнү гана тейлеп келатабыз.

• Адаттагыдай, техника дагыле Сиздердин кендириңиздерди

куп гана кесип аткандыр?

• Ооба! Абдан туптуура баамдапсыз. Ишканыбызда дагыле

заманбап техника таптакыр жетишсиз. Кар күрөгүч, авто унаа жолдорун кыдырыта жана тегиз тазалагыч техникаларга ушал тапта абдан зарбыз! Ошого деле карабастан колдо барын эптештирип, кырдаалдан чыкканга аракетибиз абдан күч!

• Сиз жетекген Ош шаардык жолдор башкармалыгында

ушул тапта канча адам эмгектенет?

• Биздин ишканабызда жалпы жонунан 50 чакты адам

эмгектенет. Албетте, түйшүгү түмөн мекемеде бул дагы өтө аздык кылат.

• Сиздер карды ыкчам жана дагы биротоло эриткенге авто

унаа жолдоруна туз, кум жана топурак чачпайт белеңиздер?

• Сиз айткандай, автоунаа абдан көп каттаган жолдорго гана

туз, кум жана топурак сээп жатабыз. Тилекке каршы, кайрадан эле артынан кар жаап, биздин шаштыбызды куп гана кетирип атпайбы…

• Жеңишбек мырза, Жаңы жыл астанасында Сиз

жердештериңизге, жалпы эле мекендештериңизге эмне тилээр элеңиз?

• Мекендештерибизге эң башкысы бекем ден соолук, узун

өмүр жана бакубат жашоо каалаймын! Ал эми Ата Журтубузда дайыма бейпилчилик жана бакубат турмуш өкүм сүрсүн!

Кепке тарткан: Алишер ТОКСОНБАЕВ, өз кабарчы