1,287 Бардыгы /

БАТКЕН. Баткен райондук соту 18-августта журналист Арзыгүл Галымбетованын өлүмүнө байланыштуу козголгон иштин алкагында камакка алынган блогер Батмакан Жолболдуеванын бөгөт чарасын дыкаат караштырып, блогерди үй камагына которду.

Ошентип кечээ, 18-августта айыпталуучунун жактоочуларынын өтүнүчү толук бойдон канааттандырылып, соттук териштирүүлөр бүткөнгө чейин блогер Батмакан Жолболдуева үй камагына дароо которулду.

Баса, Батмакан Жолболдуева журналист Арзыгүл Галымбетованын өлүмүнө шектелип быйыл 28-мартта камалган. Баткен милициясы ага Кылмыш-Жаза Кодексинин “Этиятсыздыктан өлүмгө алып келүү”, “Жеке жашоонун кол тийбестигин бузуу”, “Документтерди жасалмалоо” жана дагы “Бейбаштык” беренелери менен кылмыш ишин козгогон эле. Соттук териштирүү өткөн айда башталган.

Алишер ТОКСОНБАЕВ, өз кабарчы