1,602 Бардыгы /

ЖАЛАЛ-АБАД. Жалал-Абад облусунда мектеп директорлугу үчүн сынактын экинчи туруна талапкерлер документтерин тапшыра башташты. Бул туурасында Жалал-Абад облустук усулдук билим берүү бөлүмүнүн башчысы Акылбек Токтосунов маалымдады.

– Өлкө башчысынын жарлыгына ылайык беш жылдан ашык директорлук кызматты ээлеген агартуучуларды жумушунан бошотуп, жалпы облус боюнча 158 бош орунга сынак жарыялаганбыз. Ошентип, 61 мугалим босого баллды багындырып, кызматка дайындалышты. Ад эми азыр дагы 97 орун бош турат. Бул сынаака талапкерлер 25-августтан баштап 8-сентябрга дейре сынакка катышуу үчүн керектүү документтерин тапшырып жатышат. Азыр канча киши тапшырды? Бул туурасында бизде так маалымат жок! Себеби документтерди түз эле Билим берүү жана илим министрлигине жолдошот, – деп кошумчалады Жалал-Абад облустук усулдук билим берүү бөлүмүнүн башчысы Акылбек Токтосунов.

Баса, АкылбекТоктосуновдун айтымында, директору дайындала элек мектептерди окуу бөлүмүнүн башчылары башкарып келатышат.

Айтмакчы, Жалал-Абад облусунда жалпы жонунан 469 мектеп бар. Аймакта мектеп директорлугу үчүн сынактын биринчи туру август айынын башында өткөрүлгөн. Мында босого баллды 61 гана мугалим гана багындыпрган. Эми сентябрь айында экинчи турдун өтөөрү күтүлүүдө.

Алишер ТОКСОНБАЕВ, өз кабарчы