1,182 Бардыгы /

         БИШКЕК. Билим берүү жана илим министринин орун басары Расул Абазбек уулу атайын маалымат жыйынында мектептерде акча чогултууну мыйзамдаштырууга байланыштуу аталган ведомствонун көз карашын шардана кылды.

Ошентип, Өкмөт өкүлүнүн айтымында, ушул тапта аталган мыйзам долбоору коомдук талкууга коюлган.

Бул маселе коомчулукта көптөн бери көтөрүлүп келе жатпайбы. Муну, инновацияларды колдогон ата-энелер дагы, буга каршы чыккандар дагы бар. Маселе көпчүлүктүн чечими менен акыры биржаңсыл чечилет. Буга байланыштуу ата-энелерди биз талкууга активдүү катышууга гана чакырабыз! – деди Билим берүү жана илим министринин орун басары Расул Абазбек уулу.

Эскерте кетээрибиз: буга дейре Билим берүү жана илим министри Алмазбек Бейшеналиев өзү Кыргызстанда бул боюнча бирдиктүү саясат жоктугуна байланыштуу мектептерде мектеп взносторун мыйзамдаштырууну сунуш эткен. Анткени, айрым мектептер айына 2-3 миңден, кээ бирлери 100 сомдон чогултушат.

Алишер ТОКСОНБАЕВ, өз кабарчыбыз