2,454 Бардыгы /

ЖАЛАЛ-АБАД.  Чаткал районунун Ак-Таш айылында “Кышкы оюндар 2023” аталышындагы мекеме уюмдар арасында кышкы спорт түрлөрү боюнча мелдеш өткөрүлдү.

Оюндар райондук мамлекеттик администрация тарабынан уюштурулуп, 500гө жакын жергиликтүү тургундар катышты. Жеңүүчүлөргө диплом жана акчалай сыйлыктар тапшырылды.

Иш-чарага катышкан район акими Алтынбек Сенирбаев алыскы Чаткал районунунда кышкы туризмди өнүктүрүү мүмкүнчүлүктөрү арбын экенин айтып, бул багытта тийиштүү иш аракеттер жүргүзүлүп жатканын белгиледи. Демилгенин негизги максаты тургундардын ден соолуктун чыңдоо жана спортко болгон кызыгуусун арттыруу болуп саналаарын кошумчалады.

Белгилей кетсек, Чаткал районунда кышкы спорт түрлөрү боюнча оюндар беш жылдан бери өткөрүлүп келүүдө.