960 Бардыгы /

ОШ. ОшМУнун чет өлкөлүк жарандар менен иштөө жана консулдук кызмат көрсөтүү бөлүмү ушул тапта кураторлорду визалык, миграциялык маалыматтар менен тааныштыруу жана аларга көрсөтмө материалды таркатуу максатында катарынан жолугушууларды уюштурууну активдештирди.

Адепки жыйын ОшМУнун Медицина, Табият таануу, туризм жана айыл чарба технологиялары, Теология факультеттеринин жана Медициналык колледждин кураторлору үчүн өткөрүлдү. Чогулушта чет өлкөлүк жарандар менен иштөө жана консулдук кызмат көрсөтүү бөлүмү тарабынан маалыматтар берилип, кыргыз жана орус тилдеринде даярдалган эскертме баракчалар дагы таратылды. Ал эми чет өлкөлүк студенттер үчүн бөлүм тарабынан уюштурулуучу интеллектуалдык, маданий-массалык жана спорттук иш-чаралардын планы кенен-чонон талкууланды. Жыйын ошондой эле суроо-жооптор менен дагы коштолду.

Жыйындын соңунда ОшМУнун чет өлкөлүк жарандар менен иштөө жана консулдук кызмат көрсөтүү бөлүмүнүнкызматкерлери кураторлор тарабынан узатылган маалыматтарды жана нускамаларды чет өлкөлүк студентерге өз убагында жеткирүүнү катуу өтүнүштү. Ушундай кездешүүлөр аталган университеттин бардык факультет, колледждери үчүн дагы мындан ары уюштурулат.

Баса, ОшМУнун чет өлкөлүк жарандар менен иштөө жана консулдук кызмат көрсөтүү бөлүмү буга дейре чет өлкөлүк студенттер үчүн окуу жайдын факультет, колледждеринде  «Виза. Мыйзамсыз миграция. Жүрүм-турум эрежелери. Этикалык нормалар. Диний экстремизмге каршы туруу» аттуу маалымат жыйындарын дагы байма-бай өткөргөн.

          Алишер ТОКСОНБАЕВ, өз кабарчы