1,527 Бардыгы /

ЖАЛАЛ-АБАД. Ноокен милициясы баңги затын сактап, сатуу менен алектенген жаранды кармады.

Жалал-Абад ОИИБдин басма сөз кызматы билдиргендей, Ноокен РИИБдин Баңгизаттарын мыйзамсыз жүгүртүүгө каршы күрөшүү кызматынын (БМЖККК) кызматкерлери тарабынан Ноокен районунун аймагында “Т” аттуу жаран “гашиш” баңгизатын ири өлчөмдө сатып таратуу менен алектенип жүргөндү боюнча ыкчам маалымат алынган.

Бул факты Ноокен РИИБдин КБРне Кыргыз Республикасынын Кылмыш-жаза кодексинин 282-беренесинин (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) негизинде катталып, кылмыш иши козголгон.

Ноокен РИИБдин БМЖКККнын жана Кылмыш иликтөө бөлүмүнүн кызматкерлеритарабынан жүргүзүлгөн ыкчам-иликтөө иштеринин натыйжасында, кылмыш ишине шектелип Ноокен районунун 1958-ж.т. тургуну А.А. кармалган. Шектүүнү кармоо учурунда анын автоунаасынан 1 грамм өзгөчө кескин жыты бар (гашиш) баңгизаты жана атайын белги коюлган акча каражаттары далил буюм катары алынган. Ошондой эле шектүүнүн үйүнө тинтүү жүргүзүлүп, болжол менен 40-45 грамм өзгөчө кескин жыты бар(гашиш) баңгизаты табылган. 

2023-жылдын 5-февраль күнү шектүү А.А. Кыргыз Республикасынын ЖПКнын 96-беренесинин негизинде Ноокен РИИБдин убактылуу кармоочу жайына киргизилген.

Азыркы учурда тергөө амалдары жүрүүдө.

          https://youtu.be/o-HspVZKyEoвидео ушул ссылкада.