1,200 Бардыгы /

ОШ. Ош шаарынын мэри Бакытбек Жетигенов калаадагы мыйзамсыз курулуштар боюнча тиешелүү кызматтардын жетекчилери менен атайын жыйын курду.

          Кыргызстандын Түштүк башкалаасынын мэри  Бакытбек Жетигеновсөз арасында мыйзамсыз курулуш обьекттилеринин маселесин көтөргөндүгүн эске салып, чукул арада курулуштарды жана шаардагы бардык мыйзамсыз курулуштарды тийиштүү тыкыр текшерүүдөн өткөрүү зарылдыгын баса белгиледи.

• Биз мыйзамсыз аракеттерге каршы туруу үчүн болгон

мүмкүнчүлүктөрдү колдонушубуз кажет! Курулуш компаниялары эмне үчүн мынчалык өз билемдик менен мамиле жасашат, ыя? Эч кимди калкалоо болбойт! Бүгүнтөн баштап мыйзамсыз курулуп жаткан обьектилердин бардыгын тактагыла? Жеке, муниципалдык, стандартка туура келеби. же жокпу, муну ачык айтышыбыз абзел! Шаарыбыздагы мыйзамсыз курулуштарды токтотууга убакыт жетти! – деп тызылдады Ош шаарынын мэри Бакытбек Жетигенов.

          Ошондой эле калаанын бир катар жолдорунда башаламан унаа токтоочу жайларды пайда кылган шаарлар жана райондор аралык такси кызматтарынын ишин дагы токтоосуз тартипке келтирүү талабы кабыргасынан коюлду. Жыйындын соңунда Ош шаарынын мэри Бакытбек Жетигенов тарабынан муниципалдык жетекчилерге тиешелүү тармактарда эрежелердин жана талаптардын бекем сакталышын көзөмөлдөөнү жакшыртуу тапшырмасы катуу берилди.

          Алишер ТОКСОНБАЕВ, өз кабарчы