1,080 Бардыгы /

Эл аралык Олимпиада комитети Орусия менен Беларус спортчуларына бейтарап макамда мелдештерге катышууга уруксат берүүнү сунуштады. Чечим 28-мартта уюмдун аткаруу комитетинин Лозаннадагы жыйыны учурунда кабыл алынды.

Орусиялык жана беларусиялык спортчулар таймаштарга төмөнкү шарттар алдында катыша алат:

• алар өз өлкөлөрүнүн тууларын, гимндерин жана символикаларын колдонбостон, бейтарап макамда чыгышы керек;
• аларга командалык мелдештерге катышууга уруксат берилбейт, жеке гана катыша алышат;
• спортчулар Украинадагы согушту колдобошу керек;
• спортчулар куралдуу күчтөрдүн же күч түзүмдөрүнүн өкүлү болбоого тийиш.

Бул спортчулар катышкан таймаштарга орус желектерин же бул өлкө менен байланышы бар башка символикаларды алып келүүгө болбойт. Спортчулар кайсы бир өлкөнү эмес, өзүн таанытышы керек.

Бул сунуштар 2024-жылы Парижде жана 2026-жылы Миланда өтө турган Олимпиада оюндарына тиешелүү эмес. Алар боюнча кийинчерээк чечим кабыл алынат.

Көптөгөн орусиялык жана беларусиялык спортчулар өз өлкөлөрүндө формалдуу түрдө укук коргоо органдарынын кызматкерлери болуп эсептелет.

Орусия Украинага кол салгандан кийин орусиялык жана беларусиялык спортчулар эл аралык таймаштардан четтетилген. 2023-жылы январда Эл аралык Олимпиада комитети Украинадагы согушту колдобогон жана допинг колдонбогон спортчулардын мелдештерге катышуусуна уруксат берүүнү сунуштаган.

WWW.