1,092 Бардыгы /

ЖАЛАЛ-АБАД. Шаардын мэри Эрнисбек Ормоков Аюп-Тоо тоосуна курулуп жаткан “Жалал-Абад” стелласынын курулушунан кабар алды.

Жалал-Абад шаардык мэриясынын маалымат борбору билдиргендей,

аталган жайга бийиктиги 50 метрди түзгөн туу орнотулуп, айланасын көрктөндүрүү, жарыктандыруу, отургучтарды орнотуу иштери жүргүзүлөт.

Андан соң шаар башчысы 2023-жылы реконструкция боло турган Ленин көчөсүндөгү кароосуз калган скверге барып, жетекчилерге бир катар тапшырмаларды берди.

Белгилей кетсек, Ленин көчөсүндөгү сквер 8063 чарчы метрди түзөт. Аталган жай жергиликтүү бюджеттен толугу менен реконструкциядан өткөрүлүп, веложол, тротуар, жарыктандыруу, жөө адамдар жүрүүчү жол, унаа токтотуучу жайлар курулат.