1,104 Бардыгы /

БАТКЕН. Баткен облусунда тоодо калып калган жаран акыры куткарылды. Бул туурасында Өзгөчө кырдаалдар министрлигинин басма сөз кызматынан билдиришти.

Расмий маалыматка караганда, ушул жылдын 7-апрель күнү саат 08:03тө Сүлүктү шаарында белгисиз жарандын буту сынып, тоодо калып калгандыгы тууралуу маалымат түшкөн. Андыктан, дароо издөө-куткаруу иштерине Өзгөчө кырдаалдар министрлигинин №52 Өрткө каршы куткаруу бөлүгүнүн куткаруучулары тартылып, саат 08:05те чыгып кетишкен. Жеринде анын аты-жөнү такталып, 54 жаштагы Э.Ж. аттуу жаран экендиги аныкталды.

Өзгөчө кырдаалдар министрлигинин атайын куткаруучулары жогоруда аты аталган жаранды тоодон алып түшүшүп, андан ары тез жардам кызматына өткөрүп беришти.

Алишер ТОКСОНБАЕВ, өз кабарчы