1,311 Бардыгы /

Орусия түрмөсүндө отурган дагы бир тажикстандык Украинадагы согушта каза болгону аныкталды. Жакындарынын айтымында, Вахдат шаарынын 30 жаштагы тургуну Мухаммаджон Комилов 2021-жылы мыйзамсыз маңзат сатуу айыбы менен соттолгон.

Мухаммаджон Комилов былтыр ноябрда Украинадагы согушта өлтүрүлгөн. Анын набыт болгону жакындарына апрелде гана угузулду.

Тажикстандык кайсы жерде жана кандай жагдайда өлгөнү белгисиз.

Туугандарынын айтымында, Мухаммаджон Комиловдун сөөгү Москванын четиндеги Ногинск шаарында жерге берилген.

Орусияда жазасын өтөп жаткан тажикстандык жарандардын канчасы Украинадагы согушта жан бергени жөнүндө так маалымат жок. “Озоди” радиосуна жыйырмадай кишинин өлгөнү белгилүү болгон. Айрым адамдардын сөөгү мекенине жөнөтүлгөн, айрымдары Орусияга коюлган.

Орус бийлиги түрмөдөгү тажик жарандарынын Украинадагы согушта өлгөнү боюнча бир да жолу комментарий берген жок.

WWW.