1,668 Бардыгы /

БАТКЕН. Жалпы салмагы 3 тоннага жакын 60 кап «Карбамид» минералдык жер семирткичин аткезчилик жол менен ташууга бөгөт коюлду.

УКМКнын басма сөз кызматынан билдиришкендей, ушул жылдын 7-апрелинде УКМКга караштуу мамлекеттик чек ара кызматкерлери менен биргеликте 1995-жылы туулган Кыргыз жараны К.М.Э. аттуунун башкаруусундагы «Фольксваген Крафтер» үлгүсүндөгү унаа Лейлек районунун Жаңы-Жер айылынын өкмөтүнөн кармалды. Тыкыр текшерүү учурунда унаадан эч кандай коштоочу документтери жок, жалпы салмагы 3 тоннага жакын “Карбамид” минералдык жер семирткич табылды.

Аталган унаа минералдык жер семирткич түрүндөгү жүктү коңшу мамлекеттерге жиберүү үчүн Лейлек районуна бара жаткан. Бул факты боюнча тиешелүү тергөө иштери жүргүзүлүүдө.

Алишер ТОКСОНБАЕВ, өз кабарчы