2,251 Бардыгы /

“Жалалабатэлектро” ишканасы жаз келээри менен бирге эле кийинки кыщка карата даярдык көрүү иштерин баштады. Сузак электр тармактар ишканасынын башкы инженери Сүйүнбек Усеновдун айтымында союз учурунда тартылган электр мамылары чирип, кулап калуу коркунучу турат. Анткени ал мамылар 25 жылга гана эсептелген. Ошондуктан учурда Кызыл-Сеңир айылында мына ушундай жыгач мамылардын түбүнө бетон түркүктөрдү кошуп орнотуп, бышыктап жатабыз деди. Эми булар да дагы 25 жылга чейин тура алат, -дейт С.Усенов.
С.Усеновдун айтымында 10 күндөн бери жер-жерлерде убактылуу электр энергиялары өчүрүлүп, 22 жыгач мамынын түбүнө мамы орнотулуп, эскирген электр чубалгылары алмаштырылган.
Област боюнча 50 мамычанын түбүнө бетон түркүк кошуп орнотулат.

Орозалы Карасартов, “Аймак”

[thumb=left]http://www.aymak.kg/uploads/posts/2014-04/1396787584_dsc_0108.jpg[/thumb