1,275 Бардыгы /

Түркмөнстан Өзбекстандан тараган теле жана радио сигналдарды бөгөттөп жатат.

Жергиликтүү адистердин айтымында, чек арага жакын райондордо атайын техникалар сыноодон өткөрүлүп, жергиликтүү тургундар бир нече убакы уюлдук байланышсыз калган. Жергиликтүү бийлик өкүлдөрү бул чара маңзат аткезчилигине каршы күрөшкө байланыштуу болгонун түшүндүрүшкөн.

Адистер манзат аткезчилигине каршы күрөш жөн гана шылтоо экенин, чынында бийлик чек арадагы тургундар коңшу өлкөнүн телеканалдарын көрүп, радио берүүлөрүн угуп жатканына тынчсызданып жатканын айтышууда.

“Азаттыктын” түркмөн кызматынын кабарчысы түркмөнстандыктардын көбү өзбек телекөрсөтүүлөрүн жакшы көрөрүн белгилейт.

Өз булактардын билдиришинче, коңшу өлкөнүн теле жана радио сигналдарын бөгөттөй турган жабдуулар тесттик режимде кезек-кезеги менен орнотула баштайт.

Түркмөн бийлиги буга чейин спутник антенналары менен күрөшүп, маал-маалы менен интернетти бөгөттөп келгени да маалым.

WWW.