1,611 Бардыгы /

Өзбекстан менен Ооганстандын темир жол компанияларынын жетекчилери “Хайратон – Наибабад – Мазари-Шариф” темир жолун оңдоо боюнча макулдашты. Бул тууралуу “Өзбекстан темир жолдорунун” басма сөз кызматы билдирди.

Маалыматка караганда, мындай макулдашууга “Өзбекстан темир жолунун” башчысы Зуфар Нарзуллаев менен Ооганстандын Темир жолдорду башкаруу башкармалыгынын жетекчиси Бахт-ар-Рахман Шарафат 8-ноябрда жетишкен.

Ага ылайык, “Өзбекстан темир жолдору” Ооганстандагы аталган темир жол тилкесин реконструкциялоо менен алектенет.

“Бул кызматташтык эки өлкөнүн ортосундагы темир жол байланышын өнүктүрүүгө жана соода-экономикалык мамилелерин бекемдөөгө түрткү болот”, – деп жазылган басма сөз кызматтын билдирүүсүндө.

Ооган тарап темир жолдун аталган тилкеси бузулгандыгына байланыштуу аны тез арада жана азыраак чыгым менен оңдоо үчүн “Өзбекстан темир жолдорун” чакырган. Өз кезегинде өзбек компаниясынын жетекчилиги өлкөлөрдүн ынак коңшулук мамилелерине байланыштуу оңдоо иштерин 50% арзандатуу менен сапаттуу бүткөрүп берүүнү убадалаган.

“Өзбекстан темир жолдору” Хайратондон Мазари-Шарифке чейинки темир жол тилкесинин курулушун 2010-жылы ноябрда аяктаган. Анын узундугу 75 чакырымды түзүп, долбоордун баасы 129 миллион долларга бааланган.

WWW.