894 Бардыгы /

          Баткен облусуна караштуу Лейлек районунда диний ырым-жырымдарды колдонууда мыйзамда көрсөтүлгөн жоопкерчиликти эч сактабастан, а түгүл жашы жете элек эселектерге деле нике кыйып жүргөн молдо армалгандыгын Баткен облустук ички иштер башармалыгынан кабарлашты.

          Ошондуктан, аталган факт Кылмыш-Жаза Кодексинин 175-беренеси (“Диний ырым-жырымдарды өткөрүүдө нике курагы жөнүндө мыйзамдарды бузуу”) боюнча каттоого алынып, өндүрүш иштери башталган. Айтмакчы, текшерүү маалында Лейлек районундагы мечиттердин биринин имам хатиби 63 жаштагы М.М. аттуу жаран октябрь айында жашы жете элек өспүрүмгө нике кыйгандыгы ашкереленди. Аталган район аймагында жыл ичинде башка молдолор дагы тарабынан жашы 18ге толо элек өспүрүм кыздарга нике кыйган эки факт аныкталды.

          Ушул тапта кылмыш иши козголуп, андан ары тергөө иштери кызуу жүрүп жаткан чагы.

     Алишер ТОКСОНБАЕВ, өз кабарчы