762 Бардыгы /

Ош жерегесинде жарандарды физикалык зордук-зомбулук менен коркутуп-үркүтүп опузалоо менен алектенишкен адамдардын уюушкан кылмыштуу тобу кармалды. Бул тууралуу Ички иштер министрлигинин басма сөз кызматынан билдиришти.

          Милициянын билдирүүсүнө караганда, ушул жылдын март айынын башында белгисиз адамдар Кара-Суу районунун жашоочусуна телефон чалып, жубайы менен кат жазышкан деген жалган шылтоо менен (чындыгында, эч бир жубай эмес) физикалык зордук-зомбулук менен коркутуп, 100 миң сом өлчөмүндө акча талап кыла башташкан. Коркутуулар акыры адам чыдагыс болуп калганда жаран милицияга зорго кайрылган.

          Ошентип, топтолгон материалдардын негизинде Ош шаардык ички иштер башкармалыгына Кыргыз Республикасынын Кылмыш-Жаза Кодексинин 208-беренесинде каралган кылмыштын белгилери менен «Опузалап талап кылуу» кылмыш иши козголду. Мунун алкагында ыкчам-тергөө иш-чараларын ИИМдин КИББнын үчүнчү башкармалыгынын кызматкерлери жүргүзүштү. Ыкчам иш-аракеттердин жүрүшүндө опузалоочулар азырынча талап кылынган сумманын бир бөлүгүн алууга макул болгону аныкталды.

          Акча которуу Ош шаарынын аймагында жүргүзүлүп, талап кылынган сумманын бөлүгүн алган учурда опузалап талап кылууга шектелген адамдардын тобу кармалды: 1999-жылы туулган М.Р., 1998-жылы туулган Ж.А., 1997-жылы туулган А.А. жана 1996-жылы туулган Ж.Ш.. Шектүүлөрдүн баары теё Ноокат районунун тургундары.

          Кармалган 1999-жылы туулган М.Р. буга чейин «Адам өлтүрүү» беренеси боюнча кылмыш жоопкерчилигине тартылган. Андан тышкары башка мамлекеттин аймагында кылмыш жасагандыгы үчүн мамлекеттер аралык издөөдө дагы жүргөн. Ушул тапта жогорудагы жарандардын ушул өёдөнгөн башка кылмыштарга тиешеси бар-жогу иликтенип, абдан тыкыр текшерүү жүргүзүлүүдө.

Алишер  ТОКСОНБАЕВ, өз кабарчы