543 Бардыгы /

Ош технологиялык университетинде (ОшТУда) экономика жана башкаруу факультетинин бухгалтердик эсеп жана аудит кафедрасы тарабынан    3-апрель – Кыргыз Республикасынын бухгалтерлер жана аудиторлор күнүнө карата Түштүк аймактык колледждердин студенттеринин арасында «Менин кесибим – бухгалтер» аталышындагы сынак жүрдү.

Ошентип, аталган сынакта жалпы жонунан алты команда: ОшМУнун финансы-юридикалык колледжи, ЖАМУнун экономика – юридикалык колледжи, КУУнун Орто кесиптик билим берүү бөлүмү, ОшТУнун гуманитардык-технологиялык колледжи, ОшТУнун Өзгөн технологиялык жана билим берүү институту жана Ош көп профилдүү колледжинин студенттеринен түзүлгөн командалар күч-билимин сынашты.

Баса, «Менин кесибим – бухгалтер» аталышындагы сынак студенттердин билимин жана кесиптик көндүмдөрүн өркүндөтүү, өз кесибине кызыгуусун ого бетер арттыруу, бухгатерлердин ишмердүүлүгү жөнүндө маалымат жайылтуу жана келечекте мыкты адис болууга үндөө максатында гана өткөрүлдү.

Алишер  ТОКСОНБАЕВ, өз кабарчы