435 Бардыгы /

УКМК Оштогу Кыргыз-Өзбек Эл аралык университетинин гуманитардык-педагогикалык факультетинин деканы У.И.С. мамлекеттик экзаменде студенттерден акча талап кылгандыгы үчүн кармалганын билдирди.

Белгилей кетсек, буга чейин КР Кылмыш-жаза кодексинин 343-беренесинин 1-бөлүгү (опузалап пара талап кылуу) менен Кыргыз-Өзбек эл аралык университетинин гуманитардык-педагогикалык факультетинин деканынын орун басары Д.у.Д кармалып, КР УКМКнын тергөө абагына 2 айга камакка алынган.

Жүргүзүлгөн тергөө-ыкчам иш-чаралардын жүрүшүндө аталган факультеттин деканы У.И.С. коррупциялык схемага тиешеси бар экендиги аныкталып, ал КР Кылмыш-процессуалдык кодексинин 96, 97-беренелерине ылайык кармалып, КР УКМКнын убактылуу кармоочу жайына эки суткага камакка алынды.

УКМК билим берүү системасындагы коррупция, паракорчулук фактылары тууралуу билдирүүгө чакырат.