3 Бардыгы /

Анда орус тилин үйрөтүүдөн тышкары Орусииядагы өнөктөш уюмдарды тартуу менен орус тили мугалимдерин колдоо боюнча окуу-усулдук иш-чаралар дагы өткөрүлөт.

Ош мамлекеттик педагогикалык университетиндеги кошумча билим берүү борбор у Орусиянын «Орус тилин чет мамлекеттерде колдоо жана өнүктүрүү» мамлекеттик программасынын алкагында түзүлгөн. Борбордо орус тили үйрөтүлөт жана орус тили мугалимдерин колдоо боюнча окуу-усулдук иш-чаралар өткөрүлүп турат.

– Бул борбордон бардык каалоочулар орус тилин, адабиятын, маданиятын жана орус элинин салттарын терең үйрөнө алышат, – деди Орусиянын Оштогу Билим жана маданият борборунун башчысы Дмитрий Аврам.

Ал эми кошумча билим берүү борборунун башчысы, ОшМПУнун окутуучусу Мусабек Сатыбалдиев мекеме келечектеги мугалимдердин орус тилин үйрөнүүсүнө жакшы шарт түзөърүн баса белгиледи. Аталган борбор билим берүү, коомдук-маданий иш-чараларды өткөрүү үчүн бардык зарыл заманбап техникалар менен жабдылган. Китепканасында 700дөй окуу-усулдук жана көркөм адабият китептери бар.

Кыргызстандын Түштүк башкалаасындагы Россотрудничествонун кошумча билим берүү борборунун ачылыш аземине Ош шаарынын мэриясынын, Орусиянын Оштогу консулдугунун, Батырали Сыдыков атындагы Кыргыз-Өзбек эл аралык университетинин, ОшТУнун өкүлдөрү, Ош МПУнун мугалимдери жана студенттери катышышты.