6 Бардыгы /

Кыргыз Республикасынын Башкы прокуратурасы Кыргыз Республикасынын Президентинин 05.06.2024-жылдагы №137 Жарлыгы менен бекитилген коррупцияга каршы аракеттенүүнүн мамлекеттик стратегиясынын милдеттерине, мамлекеттик органдардын ведомстволук пландарынын ылайык келүүсүнө багытталган текшерүүлөрүн аяктады.

КРдин Башкы прокуратурасынын маалымат кызматы билдиргендей, текшерүү иштеринин жыйынтыгы боюнча пландарды өз убагында бекитилбеши, иш-чараларды жетишсиз деталдаштыруу, жооптуу аткаруучулардын анык эместиги жана иш-чараларды аткаруу мөөнөттөрүнүн дал келбестиги түрүндөгү бузуулар жана кемчиликтер аныкталган.

Аныкталган кемчиликтерди четтетүү үчүн Башкы прокуратура тарабынан 18 прокурордук чара көрүү актысы жана 5 сунуш жөнөтүлгөн.

Мамлекеттик органдар өздөрүнүн пландарын прокуратуранын сунуштарын эске алуу менен ылайык келтирүү боюнча иштерди жүргүзүшөт.

Башкы прокуратура иштин кийинки этабында – Мамлекеттик стратегиянынын толук кандуу ишке ашырууиш-чаралардын өз убагында аткарылышына мониторинг жүргүзүүгө киришет. Бул этаптын алкагында көрүлгөн чаралардын натыйжалуулугуна жана алардын коррупцияга каршы стратегиянын максаттарына ылайыктуулугуна баалоо жүргүзүлөт.

Коомчулукка маалымдоо үчүн Башкы прокуратуранын расмий сайтында «Коррупцияга каршы саясат» бөлүмү ишке киргизилди, анда мезгил-мезгили менен Стратегияны ишке ашыруунун жүрүшү жөнүндө отчеттор жана актуалдуу маалыматтар жайгаштырылып турат.

Прокуратура коррупцияга каршы чаралардын ачыктыгын жана натыйжалуулугун камсыз кылуу менен мамлекеттик органдардын ишин координациялоону улантат.