33 Бардыгы /

Кыргызстанда бардык күрөөканалардын иши текшерилет. Бул тууралуу Министрлер Кабинетинин төрагасынын орун басары – УКМК төрагасы Камчыбек Ташиев Кыргызстандын жараны С.М. тарабынан жасалган курулуш жана күрөөгө коюлган насыя берүүдөгү ири өлчөмдөгү алдамчылык схемасын иликтөөнүн алкагында жабырлануучулар менен жолугушууда билдирди.

Ошондой эле Ташиев пайыздык чендерин жана насыянын шарттарын текшерүүнү тапшырып, жогоруда сөз болгон кылмыш ишин тергөөнү өзү көзөмөлгө алганын белгиледи.

УКМКнын жооптуу бөлүмдөрүнө бардык жагдайларды ар тараптуу жана объективдүү иликтөө, тиешеси бар адамдарды аныктоо жана жабырлануучулар үчүн максималдуу компенсация төлөөнү камсыз кылуу боюнча чараларды көрүү тапшырылды.