33 Бардыгы /

        Ош мамлекеттик университетинде жасалма интеллект адистигин ачуу пландаштырылууда. Бул туурасында Кытайдын Нанкин технологиялык институтунун информациялык инженерия, байланыш тармактары жана жасалма интеллект факультетинен келген делегация менен ОшМУнун Математика, физика, техника жана информацялык технологиялар институтунун жамаатынын жолугушуусунда ачыкталды.

Кытайлык делегация ОшМУну түрө кыдырып, анда тараптар эки окуу жайдын буга дейре кол коюлган келишимдеринин аткарылышы, илим изилдөө жана мобилдүүлүк программалары боюнча ачык сүйлөшүүлөрдү дагы жүргүздү. Ошондой эле кош дипломдуу билим берүү программасы боюнча Big Data аналик адистигинин окуу планы кенен-чонон талкууланды. Мындан тышкары чогуу-чараан жасалма интеллект адистигин ачуу жагы дагы катуу пландаштырылды.

Жолугушуу соңунда Кытайдын Нанкин технологиялык институтунун информациялык инженерия, байланыш тармактары жана жасалма интеллект факультетинин делегациясынын курамы ОшМУнун студенттерине, докторанттарына жана окутуучуларына конок лекцияларды дагы өтүштү. 

Алишер ТОКСОНБАЕВ, өз кабарчы