66 Бардыгы /

Кыргызстанда эки жаңы министрлик түзүлдү: Агартуу жана Илим министрликтери

Президент Садыр Жапаров билим берүү тармагын реформалоо максатында эки өз алдынча министрлик түзүү боюнча Жарлыкка кол койду.

Ага ылайык:

• Агартуу министрлиги мектепке чейинки, башталгыч, негизги жана жалпы орто билим берүү, ошондой эле баштапкы кесиптик билим берүү тармактарына жооптуу болот.

• Илим, жогорку билим берүү жана инновациялар министрлиги илим, жогорку жана орто кесиптик билим берүү, ошондой эле интеллектуалдык менчик жана инновациялар багытын көзөмөлдөйт.

Ошондой эле, Улуттук аттестациялык комиссия кайра түзүлүп, Илим жана инновациялар министрлигине караштуу Жогорку аттестациялык комиссия болуп өзгөртүлдү.