24 Бардыгы /

Бул тууралуу УКМКнын маалымат борборунан билдиришти. Маалыматка караганда, Кыргыз Республикасынын УКМКсына Абдулла  Юсупов аттуу жарандын мыйзамсыз иш-аракеттери туурасында ыкчам маалыматтар келип түшкөн. Ушуга ылайык буга чейин деле мародерлук, талап-тоноо, курал-жарактарды жана маңзаттарды мыйзамсыз сактагандыгы үчүн бир нече жолу соттолгон, 1982-жылы туулган Кыргыз Республикасынын жараны Абдылла Юсупов өзүнүн мыйзамсыз иштерин жүзөгө ашыруу максатында Кыргыз Республикасынын Президенти Садыр Жапаров жана Кыргыз Республикасынын Министрлер кабинетинин Төрагасынын орун басары Ккамчыбек Ташиев менен тыгыз байланышы бардыгын айтып, Сузак районунун эңр бай жарандарынын ишенимине кирип, а түгүл аларга тиешелүү жер тилкелерин мыйзамсыз ээлеп алып, үчүнчү жактарга кайрадан сатып жүргөн.   

Жүргүзүлгөн дыкаат текшерүүлөрдүн жыйынтыгында маалым болгондой, Абдулла Юсупов Кыргыз Республикасынын УКМКсы тарабынан боло турган текшерүү-тинтүүлөрдү жолотпоо үчүн кепилдикти убадалап, ири жер тилке ээлерине жерлерин тез аранын ичиде өзүнө өткөрүп берүүгө мажбурлап, кайра ошол жерлерди базар баасында үчүнчү жактарга сатып жиберип, сатуудан тушкөн акчаларды өз кызыкчылыгына гана иштеткен.

Ошентип, үстүбүздөгү жылдын 24-июнунда Абдулла Юсупов жана анын шериктери – Х.З.А. жана Т.М.Ф. кармалышып, Кыргыз Республикасынын УКМКсынын убактылуу кармоочу жайына камалышты. Абдулбла Юсуповдун жашаган жерин тинтүү маалында мамаалында маңзат, ошондой эле жарандардын жер тилкелерине укук белгилөөчү документтери табылып, мамлекет кароосуна алынды. Ушул тапта тергөө иштери абдан кызуу жүрүп жатат.

Алишер ТОКСОНБАЕВ, өз кабарчы