9 Бардыгы /

Кыш мезгили – жылытуу мезгили башталаар алдында турат. Ар жылы ушул маалда өрттүн келип чыгуу учурлары көбөйүп адам өмүрүнө жана материалдык мүлктөргө олуттуу зыян алып келет .Ошол себептен жарандар өрт коопсуздугунун жөнөкөй, бирок маанилүү эрежелерин так сактоого тийиш.

Кыш мезгилинде өрткөбүнчө төмөнкү себептерден чыгат:

– электр жылытуучу приборлорду туура эмес колдонуу;

– мештерди жана морлорду тазалабоо же туура эмес орнотуу;

– электр зымдарынын эскирүүсү же ашыкча жүктөлүүсү;

– үй шартында күйүүчү суюктуктарды сактоо жана колдонууда этиятсыздык

Коопсуздук эрежелери

1.Кыш баштаалар алдында меш морлорду тазалап, мешти текшерү керек. Меште жарык тешиктер же жаракалар болсо түтүн үйгө кирип , ууланууга жана өрт чыгуусуна себеп болот.

2. Электр жылыткычтарды туура колдонуу.

Электр жылыткычты узак убакытка кароосуз калтырбоо керек. Жылыткычтын үстүнө кийим, кагаз же башка күйүүчү нерселерди коюу коптуу.

3. Газ плиталарын, от жагуучу мештерди жана очокторду колдонууда желдетүүнү камсыз кылуу абдан маанилүү. Түтүн жана газ топтолсо, уулану жана жарылуу коркунучу келип чыгат.

4. Балдарга түшүндүрүү иштери. Балдарга от менен ойноонун кооптуу экенин үйрөтүү керек. Күкүрт, зажигалка сыяктуу буюмдарды жаш балдардын колу жетпеген жерге сактоо зарыл.

Өрт чыккан учурда эмне кылуу керек

 Өрт чыккан учурда аракеттерди билүү. Өрт байкалса дароо “101” “112” кызматына чалуу жана адамдарды коопсуз жерге чыгаруу зарыл. Өрттү өз алдынча өчүрүүгө аракет кылганда өмүргө коркнуч келтирбеш керек. Кышкы мезгилде өрт коопсуздугун сактоо үй-бүлөңүздүн жакындарыңыздын коопсуздугун сактоо менен биргеликте,  ар бир жаран жоопкерчилик менен кылса өрт кырсыктарынын алдын алуга толук мүмкүн экендигин эскертебиз.

Н.ЖОЛДОШОВ, Сузак  району боюнча ӨКБнүн ӨӨжААБнүн башчысы, майор