3,840 Бардыгы /

БАТКЕН. Баткенрайонунун Тажикстан менен чектешкен аймактарында жаңыдан курулган  заманбап “Орто-Боз” жана “Достук” чек ара заставаларынын, ошондой эле Төрт-Күл чек ара отрядынын базасында атайын даярдыктагы Бөрү отрядынын 50 аскер кызматчысына комплекстүү имараттар курулуп, биротоло пайдаланууга тапшырылды.

Аталган имараттардын ээлерине тапшырылышына Кыргыз Республикасынын Куралдуу Күчтөрүнүн Башкы Штабынын жетекчиси Раимберди Дүйшембиев, Кыргыз Мамлекеттик чек ара кызматынын төрагасынын орун басары  Данияр Сатимов, Кыргыз Өкмөтүнүн Баткен облусундагы ыйгарым укуктуу өкүлү Абиш Халмурзаев баштаган жергиликтүү бийлик өкүлдөрү жана жергиликтүү тургундар дагы катышты.  

Ошентип, аскер жетекчилери жаңы конуштуу болгон чек арачы үй-булөлөрдү жаңы конуштары менен чын ыкластан куттукташып, ошол эле учурда чай үстүндө жоокерлер менен дагы ачык-айрым баарлашып, аларга катарлаш олтуруп, жоокердик тамак-аштардан даам сызышты.

Жакшылап иштөө жана окуу үчүн атайын кааналар, ашкана, жатакана, спорт залы,эс алуучу жайлары, мончосу жана кампасы, жашоо үчүн бардык шарттары бар  комплекстүү имараттар,  Кыргызстан Евразиялык биримдикке киргендиктен Кыргызстандын тышкы чек араларын бекемдөө максатында,  Кыргыз Республикасынын башкы  штабы менен Орусиянын Куралдуу күчтөрүнүн ортосундагы алаканын алкагында Орусия Куралдуу күчтөрүнүн №345-механикалык заводу жана Кыргызстандын «ДелтаЛот» жоопкерчилиги чектелген уюму менен биргеликте курулду.

Мындан тышкары өткөн жылда Кадамжай районунун Бүргөндү өрөөнүндө “Газпром” чек ара заставасы, Баткен районунун  Миң-Булак айылында  дагы чек ара заставасы ачылып, өз ишин баштады. Ал эми акыркы үч жыл аралыгында Баткен шаарында 90 батирлүү, Исфана шаарында 24 жана 16 батирлүү, Баткен районунун  Чарбак айылында 8 батирлүү турак жайлар чек арачылар үчүн курулуп, ээлерине пайдалануу үчүн тапшырылды.