1,284 Бардыгы /

БИШКЕК. Үстүбүздөгү жылдын 14-15-июнунда Бишкек шаарында ШКУга мүчө мамлекеттердин жетекчилеринин атайын Кеңешмеси өткөрүлөт. Бул туурасында Кыргыз Президентинин аппаратынын тышкы саясаст бөлүмүнүн башчысы Данияр Сыдыков кабарлады.

-Саммиттин алкагында ШКУга мүчө өлкөлөрдүн Коопсуздук Кеңешинин катчыларынын, Тышкы иштер министрлеринин межилиси дагы өткөрүлөт. Мындан тышкары ал маданий-гуманитардык иш-чаралар (ШКУнун Медиа Саммити, көгөзмөлөр, Эл аралык марафон, Бизнес Форум, гала-концерт) менен коштолот, – деп кошумчаладыКыргыз Президентинин аппаратынын тышкы саясат бөлүмүнүн башчысы Данияр Сыдыков. – Аталган Эл аралык уюмдун кадыры күн өткөн сайын артып баратат. Мунун башкы себеби: ШКУ мүчө мамлекеттердин позицияларынын окшоштугу, өз ара тыгыз карым-катышы жана бири-бирин туруктуу колдоосу. Ошону үчүн бул Саммит жана анын алкагындагы иш-чаралар Кыргызстан үчүн дагы абдан маанилүү. Ошого жараша даярдыгыбыз дагы эмитен башталды.

Данияр Сыдыков ырастагандай, ШКУнун бул Саммитинин алкагында Кытай Эл Республикасынын төрагасы Си Цзиньпин жана Индиянын премьер-министри Нарендры Моди Кыргызстандын жетекчилиги менен жолугушат.

– Экөөндө тең соода-экономикалык жана инвестициялык карым-катышты өнүктүрүү маселелери гана каралат. А саясий өңүттө бизде чечилбеген көйгөй жок! – дейт Кыргыз Президентинин аппаратынын тышкы саясат бөлүмүнүн башчысы Данияр Сыдыков.

Алишер ТОКСОНБАЕВ, өз кабарчы