1,987 Бардыгы /

Бүгүн, 23-январда Жалал-Абад шаарынын мэриясында коомдук угуу болуп өттү. Ага мекеме-ишканалардын жетекчилери, жергиликтүү депутаттар жана шаар тургундары катышты.

Анда шаардын мэри Мураталы Тагаев аткарылган иштерди элге тааныштырып, анын ичинде 2018-жылдагы курулган мектеп, бала-бакча, балдар аянтчалары, жер асты өтмөгү, жолдор, спортзалдар жана башкаларды слайд түрүндө көрсөтүп берди.

“2018-жылы июнда мэр болуп шайланып келгем. 6 ай ичинде жасаган иштерим боюнча элге маалымат берип, отчет бердим. Мен дайым бир принципти карманып келем. Бюджеттин акчасы элдин акчасы. Элдин акчасы элге кызмат кылышы керек. Ушул алты айдын ичинде бюджеттин долбоорун элге тааныштырардан мурун 5 аймактык башкарууда 11 жолу эл менен жолугушуу өткөргөнмүн. Ошол жолугушууларда элдердин айткан көйгөй, маселелеринин баарын жаңы 2019-жылдын бюджетине камтыдык деген ойдомун”-дейт шаардын мэри Мураталы Тагаев

“Шаарыбызда 2018-жылы  өзгөрүүлөр болуп, жакшы иштер жасалды. Андан сырткары быйылкы жылга да жакшы иштерди пландап жатыптыр, бул иштери да канаатандырат. Негизинен шаардын мэриясы жакшы иштерди жасап жатышат”-дейт шаар тургуну Бекматова Гүлзада

Андан сырткары, 2019-жылы аткарыла турган иштер, курула турган жолдор, имараттар жана шаардын инфраструктурасын өнүктүрүүгө байланыштуу көптөгөн проекттерди элге тааныштырып өттү.

Акылай КАРАБАЕВА, “Аймак