2,433 Бардыгы /

Акыркы жылдары Ала-Бука районунун аймагында кен байлыктарды иштетүү менен райондун экономикасы жылдыан жылга жакшырып келет. Жылына эле районго 120 миллион сомго жакын киреше алып келүүдө.

Кен иштеткен инвесторлорго жагымдуу шарттарды түзүү менен туруктуу экономиканы камсыз кылуунун аракеттери көрүлүп келет.    Ала-Бука районундагы ОсОО «Фул-Гол Майнинг» кампаниясынын Штамбердидеги    алтын кен рудниги электр кубаттуулугун начардыгынан кышкы мезгилде иши токтоп, 600дөн ашык кен комбината иштеп жаткан жумушчулар жумушсуз калып, жаз, жай мезгилинде гана иштеп келген. Бул көйгөй Кыргыз өкмөтүнүн областагы өкүлүнүн, Ала-Бука райондук администрациясынын чоң аракети менен Шакафтар шаарчасындагы электрдик постанцияга кошумча чоң кубаттуулуктагы трансформатор коюлуп, анын натыйжасында алтын кен рудниги кышкы убакта да үзгүлтүксүз иштөө мүмкүнчүлүгүнө ээ болду. Учурда Штамберди алтын кен руднигинде 600 адам эмгектенсе, анын 90 пайызга жакыны жергиликтүү тургундар. Мында иштеп жаткандар үчүн жакшы шарттар түзүлгөн. Жылуу жатаканалар, тамак-аш,   айлык менен камсыз болгон.  Рудниктин  кен байытуу фабрикасында 190 адам иштесе анын 30 жакыны кытай улутундагылар, ал эми калганы жергиликтүү    жумушчулар болуп саналат. Фабрика күнүнө 1500 тонна руданы иштете алат. Кышкы сезонго 500 мин тонна руда даярдалган. Кышта ишти токтотпой иштей баштады.  Биз Кыргыз өкмөтүнө, областтагы өкүлчүлүгүнө жана Ала-Бука райондук мамлекеттик администрациясына туруктуу иштөө шарт түзүүгө көмөктөшкөндүгү үчүн терен ыраазыбыз дейт фабриканын өкүлдөрү. Быйылкы жылда Ала-Бука районунун экономикасы дагы көтөрүлүп,  райондо 6 километр жол асфальтталып, 17 көпүрө салынып, 6 спорттук комплекс, 2 мектеп, бир маданият, үйү 3 ФАП жаңыдан курулуп пайдаланууга берилди. Бул негизгилери гана. Ошондой иштердин натыйжасында район салыктын бардык түрүн ашыра аткарууга жетишти.  Союз мезгилинде да райондо мындай курулуштар курулуп, эл үчүн камкордук көрүлбөгөн. Элибизде, журтубузда канчалык тынччылык болсо, өнөр жай, айыл чарбабыз тынымсыз иштеп турса, республикабыз тез эле өнүккөн өлкөлөрдүн катарына кошулат деген элде ишеним чоң.

Абдымомун Калбаев,

Ала-Бука   району.