1,079 Бардыгы /

 ЖАЛАЛ-АБАД. Кыргызстандын Эмгек жана Социалдык өнүгүү министринин орун басары Камалдин Токтосартов жана БУУнун Бүткүл дүйнөлүк Азык-Түлүк Программасынын Оштогу өкүлү Люк Патенад Жалал-Абад облусун кыдырышты. Мында алар Кыргыз Өкмөтү тарабынан бекитилген БУУнун 
 Бүткүл дүйнөлүк Азык-Түлүк Программасынын 2018-2022-жылдарга карата жакыр жашаган үй-бүлөлөргө жардам көрсөтүү боюнча биргелешкен долбоорунун аткарылышын дагы көзөмөлдөштү.

Адегенде Кыргызстандын Эмгек жана Социалдык өнүгүү министринин орун басары Камалдин Токтосартов жана БУУнун Бүткүл дүйнөлүк Азык-Түлүк Программасынын Оштогу өкүлү Люк Патенад Кыргыз Өкмөтүнүн Жалал-Абад облусундагы ыйгарым укуктуу өкүлүнүн орун басары Ырысбек Ызабеков, ошондой эле аталган долбооор аткарылып жаткан райондордун акимдери менен жолугушту. Ошентип, аталган долбоордун аткарылышы жана ага карата түзөтүүлөр жагы ачык сүйлөшүлдү.

Ошентип, узаган жылда Жалал-Абад облусунда 350 долбоор жүзөгө ашырылды. Мунун натыйжасында 7 миң 500 үй-бүлөгө азык-түлүк жагынан жардам көрсөтүлдү. Маселен, ун жана өсүмдүк майы, жалпы жонунан 2 120 тонна гуманитардык жардам таратылды. Мындан тышкары 80 аз камсыз болгон үй-бүлөгө акчалай жардам берилди. Жалпысынан Жалал-Абад облусун байырлаган 44 миң жардыга БУУнун Бүткүл дүйнөлүк Азык-Түлүк Программасынын алкагында жетишээрлик эле көмөк көрсөтүлдү.

Ошентип, өнөктөштөр – Кыргызстандын Эмгек жана Социалдык өнүгүү министринин орун басары Камалдин Токтосартов, БУУнун Бүткүл дүйнөлүк Азык-Түлүк Программасынын Оштогу өкүлү Люк Патенад БУУнун
 Бүткүл дүйнөлүк Азык-Түлүк Программасы көмөктөшкөн үй-бүлөлөргө дагы зерикпестен баш багышып, биргелешкен долбоорлордун аткарылышын бир сыйра көзөмөлдөштү.

Айтмакчы, аталган долбоорго ылайык Жалал-Абад облусуна караштуу сегиз райондун Эмгек жана Социалдык өнүгүү бөлүмдөрүнө жана тогуз айыл өкмөтүнө 17 кеңсе техникалары (компьютерлер жана көп кырдуу принтерлер) тапшырылды.

Алшер ТОКСОНБАЕВ, өз кабарчы